రాహుల్. కోమలా దేవి .
మా అమ్మ.” మూడు పదులు దాటిన అ యువకుడిని
జస్వంత్ పరిశీలన గా చూశాడు . సాదరం గా చేయి కలిపాడు .
“ చెప్పండి. What can I do for you ?”
మీకు ఆ అజ్ఞాత వ్యక్తి వివరాలు ఎలా తెలిశాయి ? రాహుల్ సూటిగా విషయాని కే
వచ్చాడు .
“ మీ ఊరి వాళ్ళ ద్వారా తెలిశాయి . “
కేవలం వాళ్ళు చెప్పిన వివరాలతో అంత సాహసం చేశారా ?”
‘సతి పై ఆర్టికల్ రాయటం సాహసమా ?”
“ ఆర్టికల్ రాయటం సాహసం కాదు. చివర కొస మెరుపు జోడించటం “ రాహుల్ మాటలకు
జస్వంత్ నవ్వాడు .
“ మీ ఊహ కరెక్ట్ . ఆమె వివరాలు వేరే source ద్వా రా తెలిశాయి . అవి
తెలిసిన తర్వాతే మీ ఊరు వచ్చాను . మీ చిన్నాన్న గారిని కలిశాను .. మరిన్ని వివరాల
కోసం గ్రామం లో వాకబు చేశాను .
“ ఆమె వివరాలు నాకు ఇవ్వగలరా ? ... ఆమె ను కలవాలి.
“సారీ !...ఇవ్వలేను. I have to follow certain professional ethics
“ కోమల తో నా బంధం మీకు తెలుసు. ఆమె నన్ను ప్రేమ తో పెంచిన తల్లి . పదేళ్ళ
వయసులో అమ్మను పోగొట్టుకున్నాను . ఆమె పునర్జన్మ నాకు వరం . ఆమెను మీరూ
కలవాలనుకుంటున్నారు.
“ మీకో లక్ష్యం ఉంది. అందుకు నా సాయం అవసరం. “ జస్వంత్ ను నిశితంగా చూశాడు . జస్వంత్ పెదవులపై మళ్ళీ
చిరునవ్వు .
“ రాహుల్ బాబు “! ఆ సంబోధనతో రాహుల్ ఉలిక్కి పడ్డాడు .
“మీరెందుకలా పిలిచారు. మా అమ్మ పిలిచేది అలా . ఆ పిలుపుకు దూరమై పాతిక
సంవత్సరాలైంది .” రాహుల్ కళ్ళల్లో బాధ నీడలా కదిలింది. విద్యాధరి ఊహల్లో జీవం
పోసుకున్న రాహుల్ జస్వంత్ కు స్పష్టం గా కనిపించాడు.
“అజ్ఞాత యువతిని కలవటం నా లక్ష్యం అన్నారు . నా లక్ష్యం ఏమిటి “?
“ మీరు investigative
journalist.కోమలాదేవి ‘మిస్టరీ’ వెనుక ఉన్న రహస్యం వెలికి తీసి నిజానిజాలు లోకానికి
తెలియచేయటం .”
“అంతేకాదు . ---ఆనర్ కిల్లింగ్ పేరుతొ మీ బాబాయ్ అజయ్ కోమలాదేవిని ఎలా బలి
పశువును చేశాడో నిరూపించటం”. ఆశ్చర్యం గా చూశాడు రాహుల్.
“ అసలేం జరిగిందో మీకు తెలుసా ? మాకే పూర్తిగా తెలీదు . గ్రామం లో కూడా మీకు
ఎలాంటి ‘క్లూ’
దొరికి ఉండదు . “
ఈ డైరీ చదవండి. “ జస్వంత్ చిరునవ్వు తో ఓ డైరీ ని ముందుకు తోశాడు .
“ఎవరిదీ ?” రాహుల్ ఆశ్చర్యం గా చూశాడు .
“”ఆ అజ్ఞాత యువతిది”. అదిరి పడ్డాడు రాహుల్.
“మీకెలా దొరికింది?”
“ఆ వివరాలు మళ్ళీ చెబుతాను. ...చదవండి “
“తెలుగు మధ్య మధ్య లో కాస్త ఇబ్బంది పెట్టవచ్చు.”
“తెలుగు నాకు వచ్చు.” జస్వంత్ ఆశ్చర్యం గా చూశాడు .
“నేను వైజాగ్ లో ఉన్నప్పుడు అరకు లోయలో ఒక గురుకుల విద్యాలయం లో ఇంగ్లీష్
లెక్చరర్ ని. తెలుగు భాషలో కమ్మదనం తెలుసు. తెలుగు వారి ఆతిధ్యం, ఆత్మీయత తెలుసు.... మా
అమ్మ తెలుగు వారి లో పుట్టడం అద్భుతం . .. ఆమె పేరేంటి ?”
“ విద్యాధరి “.
“ విద్యాధరి---కవి కాళిదాస్ అర్ధాంగి . .అమ్మ వారి పట్ల ఆమె భక్తి, నమ్మకం కాళిదాసును
మహాకవిని చేశాయి . జ్ఞానానికి, పాండిత్యానికి, పట్టుదలకు ఆమె మారుపేరు . “
“ తెలుగు విద్యాధరి ఆమెకు ఏ మాత్రం తీసి పోదు . ఈమెలో ఆలోచన ఉంది . వివేచన
ఉంది . ఎలాంటి సమస్య నైనా right approach తో చూడ గలదు . .
తన సమస్యను ఒక సైకియాట్రిస్ట్ లా ఎలా
విశ్లేషించుకుందో డైరీ చదివితే మీకే తెలుస్తుంది . “
రాహుల్ డైరీ చదవటం లో లీ నమై పోయాడు .పేజీ పేజీ కి అతడి మొహం లో మారుతున్న
రంగులు విభిన్న భావాల వర్ణ సమ్మేళనం లా అనిపిస్తున్నాయి . ... చదవటం పూర్తయింది .
కళ్ళలో తడి . డైరీని ఒకసారి ప్రేమతో నిమిరి టేబుల్ పై ఉంచాడు . మనసులో ఆలోచనల జడి
. జ్ఞాపకాల జడి .
“ ఆ రోజు రాత్రి
సాధువు మా అమ్మపై మంత్రం ప్రయోగం చేశాడు . నేను చూశాను . సాధువు నేలపై అమ్మ
కెదురుగా కూర్చున్నాడు . మెల్లగా ఏదో చెబుతున్నాడు . గది బయట కిటికీ చాటున నక్కి
ఉన్న నాకు అతడి మాటలు వినిపించలేదు . గది లో ఒక మూల చిన్నాన్న నిలబడి ఉన్నాడు . నాకు
ఒక్కటి అర్థమైంది . వారు అమ్మను ఏదో చేయమని ఒప్పించే ప్రయత్నం చేస్తున్నారు . వారి
వల్ల అమ్మకు ప్రమాదముంది ....అంతే ! అంతకు మించి నా పసిమనసు అర్థం చేసుకోలేదు .
“...
జస్వంత్ రాహుల్ ను కన్నార్పకుండా చూస్తున్నాడు . “.....అమ్మ నా కోసమే మళ్ళీ
పుట్టింది . మా చిన్నాన్నను ఆమె సాయం తోటే అందరి ముందు దోషిలా నిలబెడతాను . రూపా
పిన్ని ఆయనకు ఆరో ప్రాణం. ఆమె దృష్టి లోనే ఆయన పతనం కావటం మరణ శిక్ష తో సమానం. ఆయన
అవమానం తో సగం చచ్చి పోవాలి “. రాహుల్ మాటలు పదునైన కత్తుల్లా
ఉన్నాయి .
‘అతడి లో ఆవేశం, తెగింపు, పట్టుదల తనకు ప్లస్
పాయింట్స్ . ‘ జస్వంత్ లో జర్నలిస్ట్ ,పరిస్థితి అంచనా వేశాడు
.
“ మీ చిన్నాన్న లో మార్పు గమనించారా ? ఆలోచన,మాట తీరు మారాయి .
విద్యాదరి ఊహల్లో అజయ్ రాక్షసుడు . ఆమె కోమలా దేవి దృష్టి తో నే మీ చిన్నాన్నను
చూడగలదు . ఈనాడు నేను చూసిన అజయ్ రూపాదేవి చెక్కిన శిల్పం .”
“నిజమే ! మా పిన్ని రేడియంట్
పర్సనాలిటీ ముందు ఆయన అహం, ఆవేశం, మొండితనం తలవంచాయి .
ఆమె లో అసాధారణమైన రీజనింగ్ ఉంది . పైగా ఆమెది పాజిటివ్ అప్రోచ్ .ఆప్టిమిస్ట్ !
అనుకున్నది సాధించేవరకు నిద్రపోదు . అందుకే బాబాయ్ మారవలసి వచ్చింది . “ రాహుల్
నవ్వాడు .
అవునన్నట్లు తల ఊపాడు జస్వంత్.
“ఒకే ! ఇప్పుడు అసలు పాయింట్ కు వస్తాము.. నా దృష్టి లో మా అమ్మ సమస్య కుటుంబ
పరమైంది . మా కుటుంబ సభ్యుల నడుమే ఈ సమస్యకు పరిష్కారం అని నా ఆలోచన . పది మందికి తెలిస్తే కుటుంబం పరువు పోతుంది .
అందుకని...
“అందుకని నా ప్రయత్నం మానుకోమంటారా ?”
“ నేను చెబితే మీరు మానుకుం టారా ?”
జవాబుగా జస్వంత్ నవ్వాడు .
“ఒక్కసారి ప్రశాంతం గా ఆలోచించండి . ! మీ ప్రొఫెషనల్ జీల్ క్షణం పక్కన పెట్టండి . మీ లక్ష్యం కోసం విద్యాధరి
వ్యక్తిగత జీవితాన్ని జాతీయ వేదిక పై తీసుకు రావటం సబబు కాదేమో ?”
“ యు ఆర్ రైట్ .బట్ , విద్యాధరిని కలిసే ప్రయత్నం లో మీరు కొన్ని సమస్యలు
ఎదుర్కోవాలి . అమ్మ సెంటిమెంట్ తో ఆమెను ఒప్పించవచ్చు . మరి—ఆమె భర్త మీ ప్రపోజల్
ఒప్పుకుంటాడా ? సాగర్ కు అజయ్ రాక్షసుడని
తెలుసు కోమలాదేవికి న్యాయం చేయాలని తన
భార్యను సాధనం గా వాడుకుంటానంటే అతడెలా ఒప్పుకుంటాడు ? ఆమె
పూ ర్వజన్మతో విద్యాదరికి సంబంధం ఏమిటి “?
రాహుల్ ఆలో చన లో పడిపోయాడు.
“మిమ్మల్ని నిరుత్సాహపరచటం లేదు . గ్రౌండ్ realities చెబుతున్నాను. “
“......ఈ సమస్య కు బ్రేక్ త్రూ ఏమిటి ?”
“...నాకు తెలిసి -ఆమె సమస్య నుండి పూర్తిగా బయట పడ లేదు . ఆమె డైరీ లో చివరి
వాక్యాలు చదువుతాను . –“ గతం గుర్తుకు వచ్చినా, చిక్కుముడి విడిపోయినా
ఏదో అలజడి .ఆరాటం !
కో మలను మరచిపోయి ప్రశాంతం గా ఉండగలనా
అన్న నమ్మకం కలగటం లేదు .ఆమెను పూర్తిగా
మరిచిపోవాలంటే,
నా వాళ్ళ తో ప్రశాంతమైన జీవితం గడపాలంటే నేనేం చేయాలి ? అర్థం కావటం లేదు .
మళ్ళీ భరత్ అంకుల్ హైదరాబాద్ రావాలేమో ! కాలమే నిర్ణయిచాలి .’---ముందు ఈ అయోమయ స్థితి
లోంచి ఆమె బయట పడాలి . ...ఆమె ఊహ కరెక్ట్ . మళ్ళీ భరత్ రామ్ రంగ ప్రవేశం చేయాలి .
ఆయన నిర్ణయం తీసుకున్న తర్వాతే మీరైనా, నేనైనా ఆమెను కలిసేది
. “
“సైకియాట్రిస్ట్ భరత్ రామేనా ?
ఆయన అడ్రస్ ఎలా తెలుసుకోవటం ?”
“ఎందుకు?”
“ మనమే ఆయనను కలుద్దాం . డైరీ చూపిస్తాము. ఈ డైరీ ఆధారంగా ఆయనొక నిర్ణయానికి
రావచ్చు . ఆ తర్వాతే మన ప్లాన్ ఆఫ్ యాక్షన్ . “
“ మనము ‘ అంటున్నారు, మీరు నాతొ చేతులు కలిపినట్లేనా ?” జస్వంత్ పెదవులపై
చిరునవ్వు.
“ మా అమ్మ మళ్ళీ పుట్టిందన్న ఎమోషనల్ స్టేట్ లో లాజిక్ పూర్తిగా మరిచి పోయాను
. ఐ యాం జస్ట్ ఎ లెక్చరర్ . మీరు ఇన్వెస్ట్ గేటివ్ జర్నలిస్ట్ . మీ సాహసం, చొరవ, ప్లానింగ్, నాకు అసలు లేవు . మీ సాయం
లేనిదే నేను అడుగు ముందుకు వేయలేను . ఇద్దరి లక్ష్యం ఒకటే అయినప్పుడు కొద్దిపాటి
అభిప్రాయ బేధాలకు వాదన లెందుకు ? “ మళ్ళీ జస్వంత్ చిరునవ్వు.
“మీరన్నట్లు ముందు భరత్ రామ్ ను కలవాలి . తర్వాత మీతో నే సాగర్ని కలవాలి . మీ
చిన్నాన్న , సాగర్ నాపై కోపంగా ఉన్నారు . మీ చిన్నాన్నకు ఆనాటి మిస్టరీ బయట
పడుతుందన్న భయం . కొసమెరుపు’ తో విద్యాదరి ఉనికి లోకానికి తెలిసిందన్న కోపం సాగర్
కు . నన్ను తన ఇంట్లోకి కూడా రానివ్వడు .
విద్యాదరి వల్ల మీ ఎంట్రీ కి ఢోకా లేదు. మీ వెనకే నేను......
రాహుల్ వినోదం గా నవ్వాడు.
“ భరత్ రామ్ అడ్రస్ , వివరాలు ఈ డైరీ లో నే ఉన్నాయి .
“నన్ను మీరు అనకండి . వయసులో , అనుభవం లో మీ కన్నా చిన్నవాడిని . చనువుగా ,
ప్రేమతో “నువ్వు” అనండి చాలు .
జస్వంత్ స్నేహ పూర్వకం గా రాహుల్ భుజం తట్టాడు .
******
“హలో , సాగర్ “ ఆ వైపు భరత్ రామ్ .
“ అంకుల్ ! విద్యా మీతో మాట్లాడుతుంది “.
“ గుడ్ మార్నింగ్ అంకుల్ ! రాత్రి పూట నిద్ర పట్టటం లేదు . ...పది రోజులు గా
ఇదే పరిస్థితి. రోజూ కోమలాదేవి కనిపించి తన సమస్యకు పరిష్కారం కావాలని నన్ను
అడుగుతోంది .ఏం చెయ్యాలో తోచటం లేదు .”
విద్యా మాటల్లో కలవరం భరత్ రామ్ గమనించాడు . తను ఊహించిందే జరిగింది . She has been facing
the second phase of her problem .
“కోమలాదేవి సమస్య ఏమిటి ‘ ఎదురుగా
సాగర్ ఉన్నాడు . కోమల సమస్య పై వివరణ ఇస్తే అతడు కంగారు పడతాడు . తనలో కోమలాదేవి
ఉనికే భరించేలేని
సాగర్ ముందు ఏం మాట్లాడ గలదు ?
“ ఫోను లో వివరాలు చెప్పలేదు అంకుల్. ! శ్రమ అనుకోకుండా మీరొక సారి వస్తే
....”
తర్వాత అయిదు నిమిషాలు భరత్ రామ్ చెప్పే విషయాలు వింటూ ఉండిపోయింది . మధ్యలో
పేపెర్ మీద ఏదో రాసుకుంది .
“అంకుల్ ఏమన్నారు “?
“అంకుల్ ఏదో నేషనల్ కాన్ఫరెన్స్
అటెండ్ కావాలట. ఆ ప్రిపరేషన్ లో
బిజీ గా ఉన్నారు . పది రోజుల తర్వాత వస్తారట. ఈ లోపల ఈ మందులు వాడమన్నారు . “
పేపర్ చూపింది. సాగర్ భారం గా నిట్టూర్చాడు . భర్తను విద్యా సానుభూతి గా చూసింది .
**************************
కొనసాగించండి 24 లో
