తగిన అవకాశం కోసం ఎదురుచూస్తున్న భరత్ రామ్ , జస్వంత్
లకు విద్యాధరిని ప్రపంచానికి పరిచయం చేయటానికి శంకుస్థాపన అనువైన సంధర్భం
అనిపించింది . అందుకు ఒక వేదిక కావాలి . ఆ వేదిక పై విద్యా తన పునర్జన్మ
రహస్యాన్ని ప్రపంచానికి చాటాలి . అందుకు రాజకీయ వర్గాల అండదండలు అవసరం . రాజకీయ
ప్రముఖులు , మనస్తత్వ నిపుణులు , మేధావులకు ఆ వేది క కేంద్ర బిందువైతే ; అశేష ప్రజానీకం ముందు విద్యా వేదిక పై నిలబడి
అజయ్ ను ఎదుర్కొంటే ---ఆ వేదిక చరిత్ర సృష్టించగలదు . అజయ్ అన్నివిధాలా ఆశక్తుడ వుతాడు . అతడు ప్రజా
న్యాయస్థానం ముందు తలవంచక తప్పదు . శంకుస్థాపన రోజే గ్రామం లో జాతీయ స్థాయి లో ఆ సభ జరగాలి . నిజం
వెలుగు చూడాలి . కోమల శాంతించాలి . ఆలోచనకు
పూర్తి రూపం రాగానే భరత్ రామ్ ,
జస్వంత్ ఎప్పుడు, ఎవరెవరిని కలవాలో , ఏమేం చేయాలో
ప్రణాళిక సిద్ధం చేసుకున్నారు . ఆ ప్రణాళిక ప్రకారం అడుగు ముందుకు వేశారు .
అనుకున్నది సాధించడానికి
వ్యవధి చాల తక్కువ . ఇప్పుడు కావలిసింది నడక కాదు . ---ఉరుకులు
,పరుగులే
రాజకీయ దుమారం సునామీ కన్నా శక్తివంతమైనది .దాని తాకిడికి
ప్రభుత్వాలే కూలిపోతాయి . తనకున్న పబ్లిక్ రిలేషన్స్ పట్టు తో అజయ్ రాజకీయ
ప్రత్యర్థుల్ని జస్వంత్ కలిశాడు . వాళ్లకు మాటల గారడీ తో రంగుల చిత్రం చూపాడు .
వేదికపై విద్య ను నిలబెట్టే బాధ్యత తనదని హామీ ఇచ్చాడు . అజయ్ ప్రత్యర్థులు
అధికారం లో ఉన్నారు గనుక ఉత్సాహం తో చెలరేగారు .
“ The historical background అఫ్ ‘sati’
అన్న వ్యాసం చాలామందిని ఆలోచింప చేసింది . ఆయా కాలాల్లో కొన్ని సామాజిక
పరిస్థితులు , ఆనాటి ప్రజల ఆలోచనా సరళి , ధర్మం, సంప్రదాయం ఎలా ఓ ఆచారానికి పునాది
అవుతుందో చక్కటి ఉదాహరణాలతో ఆ వ్యాసం లో వివరించటం జరిగింది . మధ్య యుగం భారత దేశ
చరిత్ర పై పట్టు ఉన్న ఓ history professor
ఆర్టికల్ అది . ఆ professor ‘సతి’ ని సమర్థించలేదు . ఖండించలేదు .
కాదనలేని కొన్ని వాస్తవాలు, జీర్ణించుకోలేని
కొన్ని చారిత్రిక సంఘటనలు ఆ వ్యాసం లో పొందు పరచాడు .
“ విజ్ఞాన వేదిక “ శంకుస్థాపన జరిగే రోజు గ్రామంలో
ఏర్పాటు కానున్న సభ . ‘సతి’ అన్న దురాచారం పై పూరించిన శంఖారావం . పారా సైకాలజీ లో ఓ అద్భుత
అంశం ---పునర్జన్మ పై జరిగే చర్చ . సజీవ సాక్ష్యం గా వేదికపై నిలిచే విద్యాధరి .
ఆమె అనుభవాల విశ్లేషణ . కాలగర్భంలో పడి ఆనవాలు లేకుండా మిగిలిపోయిన
ఓ రహస్యం వెలుగు చూసే అపూర్వ సంఘటన . – ఇలా ఎన్నో
విశేషాల తో ప్రజల ముందుకు వస్తున్న అద్భుతం---‘విజ్ఞాన వేదిక ‘.
సభకు ప్రచారం ఈ తీరున జరిగింది . వడగళ్ళ జడి లాంటి ఈ పరిణామాలు , పరుగులు అజయ్
సింహ రూపాదేవిని
బెంబే లె త్తించాయి . వెంటనే ఆమె సాగర్ని కలిసింది . ఫొనులో మాట్లాడే సాహసం
చేయలేదు అధికార పార్టీ వారు ఫోన్ టాపింగ్
చేస్తున్నారన్న అనుమానం . ఒక్కరోజు వ్యవధి లో ఆమె ఫ్లైట్ లో.
హైదరాబాదు వెళ్లి వచ్చింది .
“ కోమల గారి పునర్జన్మ ఈ స్థాయి లో దుమారం రేపుతుందని కలలో కూడా ఊహించలేదు .
రాజకీయ జోక్యం వల్లనే ఇంత రభస జరుగుతోంది . ‘ విజ్ఞాన వేదిక’ లక్ష్యం విద్యాధరే .
తప్పక మాపై ఒత్తిడి వస్తుంది . విద్యా ఆ సభలో ఆనాటి సంగటన గురించి ఏదో ఒకటి
చెప్పాలి . ఈ రోజో , రేపో, ఎవరో ఒకరు అధికార పార్టీ తరపున వస్తారు . మమ్మల్ని
ఒప్పిస్తారు . విద్యా విజ్ఞానవేదిక పై కనిపించక తప్పదు . కానీ---వారి ఊహలను , అంచనాలను తలకిందులు
చేస్తూ విద్యా ఆనాటి రహస్యం అవగింజంతైనా
చెప్పదు . సహగమనం తన వ్యక్తిగత నిర్ణయమని ఇందులో
కుట్ర-కోణం లేదని ఖచ్చితం గా చెబుతుంది . కంగారు పడకండి . నిశ్చింతగా వెళ్ళిరండి .
“ రూపాదేవి సాగర్ కు మరోసారి ‘ థాంక్స్ చెప్పుకుంది . జస్వంత్ ఊహించినట్లే రూపా
రెండోసారి వచ్చింది . ఇప్పుడు కూడా విద్యాాధరి ‘లైన్ క్లియర్ ‘ అయింది .
విజయ్ సింహ్ కు, రాహుల్ కు ఆహ్వానాలు అందాయి . ముసలావిడ తమ్ముడికి
కూడా . అందరూ ఒకరోజు ముందుగా వస్తామని హామీ ఇచ్చారు . అజయ్ తల్లిని ప్రత్యేకం గా
,స్వయం గా వచ్చి ఆహ్వానించాడు . ఒకసారి అనుభవం అయినందువల్ల జస్వంత్ విద్యా మకాం
మార్చాడు . ఆమెకు ప్రత్యేకమైన విడిది కట్టుదిట్టమైన భద్రత తో ఏర్పాటు చేశాడు .
అఘోరి ప్రో త్సాహం తో , ఆశీస్సులతోనే
మందిర నిర్మాణం జరుగుతోందని రాహుల్ ద్వారా విద్యాకు తెలిసింది . అఘోరి సంకల్పం
వెనక ఉన్న పరమార్థమేమిటో
ఆమె అర్థం చేసుకుంది . ఈ రూపం లో అతడు తన లక్ష్యానికి మార్గం సుగమం చేశాడు .
మనసులోనే అఘోరికి ధన్యవాదాలు తెలుపుకుంది . అతడి అజ్ఞాత హస్తం తనను కాపు
కాస్తుందన్న స్పృహ ఆమె మనోధై ర్యాన్ని
అనూహ్యంగా పెంచింది .
శంకుస్థాపన ఏర్పాట్లు చురుకుగా సాగుతున్నాయి . లోపల లావాలా ఉడుకుతున్నా పైకి
గంభీరం గా కనిపిస్తున్నాడు అజయ్ . కాలు వెనక్కు తీసుకోలేని పరిస్థితి . అష్ట
దిగ్బంధన జరిగింది . చావో రేవో తేల్చుకోవాలి . “ చివరి మెట్టు మీద ఉన్నాం . ఒక
అడుగు ముందుకు వేస్తే ఏమవుతుందో తెలీదు .
అయినా పర్వాలేదు . ఏమాత్రం భయపడకండి . !....విధిని ఎవరూ తప్పించలేరు . అల
వస్తే తలవంచట మే . పరువు—ప్రతిష్ట అంటూ
ఇంకా పాకులాడకండి . ధైర్యంగా పరిస్థితి ఎదుర్కోండి .పరిస్థితి అనుకూలంగా ఉన్నా, లేకపోయినా జంక వద్దు
. తప్పు ఒప్పుకోవటం లో సంస్కారముంది .
గౌరవముంది . అందరూ ఆశిస్తున్నట్లు విద్యాదరి వచ్చినా భయపడవద్దు . ఆమెతో ప్రశాంతం
గా మాట్లాడండి . గుండె బరువు దింపు కోండి .
రాకపోతే----ఏ దేవుడో మనల్ని కరుణించా డనుకోవాలి . శంకుస్థాపన ఏ గొడవ లేకుండా
ప్రశాంతం గా జరిగిపోతుంది .”
రూపాదేవి మాటలు అజయ్ ను కదిలించాయి . ఆమె తనను క్షమించక పోయినా కష్టకాలం లో
భార్యగా వెన్నంటే నిలిచింది . చేతి ఆసరాతో తల్లిలా ముందుకు రుపాను పొదువు కున్నాడు
.
నడిపిస్తోంది . ఈ బలం, అభయం చాలు . సముద్రాలు దోర్లుకొచ్చినా ధైర్యంగా ఎదురు నిలబడవచ్చు .
******************************. కొనసాగించండి 42 లో
