విద్యాదరి రాహుల్ ఇంటికి వచ్చి వారం రోజులైంది . ఈ వారం రోజుల్లో తన
అత్తగారికి మరింత చేరువైంది . ఆమెతో అనుబంధం పుర్వజన్మదే అయినా
ఆ భావం విద్యాధరి లో లేదు . ఆమె తో ఉన్నప్పుడు విద్యాధరి తన ఉనికి మరిచిపోయి పూర్తిగా
కోమలాదేవి లా ప్రవర్తిస్తుంది . ఈ విషయం లో ముసలావిడ ఆశ్చర్యం, ఆనందం అంతా , ఇంతా కాదు. ఇప్పుడు ఆమెకు ఒకే బాధ
. కోడలుంది . పెద్ద కొడుకు లేడు . విక్రం సింహ్ ప్రస్తావన వచ్చినప్పుడు ముసలావిడే కాదు , కోమలా దేవి లా స్పందించే
విద్యా కూడా ఉదాసీనం గా మారిపోతుంది . కానీ—ముసలావిడకు విక్రం లేని లోటు ప్రత్యక్ష
అనుభవం. విద్యాధరి కి ఓ బాధా వీచిక , మధుర స్మృతి .
ఒక సాయంకాలం విద్యాలయం రోడ్డు వెంబడి విద్యాధరి , రాహుల్ నడవ సాగారు . పచ్చటి
పర్వతాలపై నుండి మలయ మారుతం శరీరాలను తాకి
వెళ్లిపోతుంటే ఇద్దరికీ చాల హాయిగా ఉంటుంది .
రెండు విభిన్న వ్యక్తిత్వాల మిశ్రమ స్పందన చాలా చిత్రం గా ఉంటుంది . ఎవరు, ఎప్పుడు ఏం
మాట్లాడుతారో తెలుసుకోవటం చాలా కష్టం . ఆ వ్యక్తి మనసు పూర్తిగా అర్థం
చేసుకోవాలంటే ఆ వ్యక్తినే నీడలా
అనుసరించాలి . ఆ పని భరత్ రామ్ రాహుల్ కు అప్పగించాడు . పైగా విద్యాధరి ( ఆమె
లో కోమల ) ఎక్కువగా రాహుల్ సాన్నిహిత్యం కోరుకుంటోంది . తన మనసులో భావాలు కొడుకు
లాంటి రాహుల్ తో పంచుకోవటం సహజం .
“ మీ చిన్నాన్నను అందరి ముందు దోషిలా నిలబెట్టాలంటే ఒక సంధర్భం కలిసి రావాలి .
ఆ సంధర్భం అతడి పై మనం చేసే ప్రతిఘటన కు అనుకూలంగా ఉండాలి . we need a common platform ...”
“ అలాంటి సంధర్భం కోసం భరత్ రామ్ అంకుల్ , జస్వంత్ జీ తెగ ఆలోచిస్తున్నారు .
ఏవో రెండు మూడు ప్రపోజల్స్ వారి మనసుకు
నచ్చాయి . అందులో ఏది మన ప్రయత్నానికి అనుకూలంగా ఉంటుందో అన్న అభిప్రాయానికి
వారింకా రాలేక పోతున్నారు . ఇంకా ఏవో సందేహాలు , అనుమానాలు, అవన్నీ తొలగి పోవాలి .
.. ఏ ప్రపోజల్ అయినా నీకు అన్నివిధాలా నచ్చితేనే అడుగు వేసేది . నిన్ను కాదని ,
నీకు నచ్చని ప్రయత్నం ఏదీ చేయం . “ అతడి చివరి మాటకు చిన్నగా నవ్వింది .
“ నాకెందుకో మన ప్రయత్నం లేకుండానే మనకో సంధర్భం కలిసి వస్తుందనిపిస్తూంది . “
“ అదెలా ?” ఆశ్చర్యం గా చూశాడు రాహుల్ .
“ నా విషయం లో ఇప్పటి వరకు అన్నీ అద్భుతాలే జరిగాయి . నా పునర్జన్మకు ఒక
ప్రయోజనం ఉందని మీరందరూ ఒప్పుకున్నారు .
మరి- అది నిజం కావాలంటే మరి కొన్ని అద్భుతాలు జరగాలిగా ?”
“ నిజమే . కాని ఏదో జరుగుతుందని , జరగాలని చేతులు ముడుచుకొని కూర్చోలేముగా ?”
అతడి ప్రశ్నకు ఆమె జవాబు మరో చిరునవ్వు . ఈ విషయం లో తనకు అఘోరి తోడ్పాటు
ఉంటుందని ఆమె అంతర్వాణి పదే పదే చెబుతోంది . కానీ, ఆ మాట రాహుల్ తో
అనలేదు . “ మీ చిన్నాన్నను కలవటానికి ముందు ఒక్కసారి మన దేవిడీ లో అప్పటి కోమలాదేవిలా
తిరగాలని ఉంది . వీలవుతుందా ?”
ఆశ్చర్యం గా చూశాడు రాహుల్ . ఈ కోరిక
ఉద్దేశ్యమేమిటి ? . కారణం ఊహించలేక పోయాడు .
కొన్ని అనూహ్యమైన సంఘటనలు ఒక్కొక్కసారి నిర్ణయాలనే తారుమారు చేస్తాయి .
దాచాలనుకున్న కొన్ని రహస్యాలను వెలుగులోకి తెస్తాయి .
హైదరాబాదు లో సాగర్ తో మాట్లాడిన తర్వాత రుపాదేవికి రాహుల్ ను
కలవాలనిపించింది. అందుకే తిరుగు ప్రయాణం
లో రెండు రోజులు అరకు లోయ లో ఉండిపోయింది . ఇది ఎవరూ ఊహించని పరిణామం . ముందుగా
వస్తున్నట్లు ఫోనులో మాట్లాడింది గనుక
రాహుల్ జాగ్రత్త పడ్డాడు . విద్యాధరిని తప్పించగలిగాడు . నాన్నమ్మకు విద్యాధర వివరాలు చెప్పవద్దని
సూచనలు చేశాడు . ఆమె ‘ఎందుకు’ అన్న ప్రశ్నకు అతడి
వద్ద జవాబు లేదు . జవాబు చెప్పలేని నిస్సహాయ స్థితి లో దిక్కుతోచక కాళ్ళబేరానికి దిగాడు .
రూపాదేవి వచ్చింది . తన హైదరాబాదు ప్రయాణానికి ఏదో కారణం చెప్పింది . ఆమె
చూపుల్లో,
మాటల్లో అడుగడుగునా ఏదో చెప్పుకోలేని బాధ . కనిపించింది . ఎప్పుడూ లేనిది అత్తగారి
ఒల్లో తలదాచుకుని కరువుదీరా ఏడ్చింది . ముసలావిడకు
సంధర్భం అర్థం కాలేదు . మనవడు విద్యా వివరాలు రుపాదేవితో చెప్పవద్దన్నాడు . అందుకు
కారణం తెలియక అయోమయం లో ఉంటే రూపాదేవి ఒళ్ళో పడుకొని బోరుమనేసరికి ఆమెకు పూర్తిగా
మతిపోయింది . వెర్రిగా మనవడిని చూసింది . రాహుల్ రెండు చేతులు జోడించాడు .
తిరిగి వెళ్లేముందు తనను ఉద్దేశించి రూపాదేవి అన్న మాటలు రాహుల్ని కదిలించాయి
. చలించని ఆత్మవిశ్వాసంతో నిండు కుండలా కనిపించే పినతల్లి లో మొదటిసారి సంఘర్షణ ,
తనపై సానుభూతి చూడగలిగాడు .
“ ఊరిని పూర్తిగా మరిచిపోయావు . మా సంగతి సరే సరి . మాతో మాట్లాడటం ఎప్పుడో
మానేశావు . కనీసం మీ నాన్నమ్మ యోగక్షేమాలు తెలియ జేయటానికి మాతో అప్పుడప్పుడు
మాట్లాడవచ్చు గదా ?” రూపాదేవి స్వరం లో లాలన, అర్తింపు, రాహుల్ ను
కలవరపెట్టాయి . జవాబు చెప్పలేక తలవంచుకున్నాడు . తన భర్త కిరాతకం ఆమెను ఎంత
కృంగదీసిందో వడలిన ఆమె మొహమే చెబుతుంది .
“ మీ చిన్నాన్న అంటే నీ కంత అభిమానం లేదు . వీలైనంతవరకు ఆయనకు దూరంగా ఉండాలనే ప్రయత్నిస్తావ్ .” రాహుల్ చూపులు తిప్పుకున్నాడు
.
“ అందుకు కారణాలు అడిగి నిన్ను విసిగించను . కారణం తెలుసుకొని నిన్ను సమధానపరచవలసిన
మీ చిన్నాన్నే మౌనం గా ఉంటే నేనెలా జోక్యం
చేసుకోను ? ..ఒక్కటి మాత్రం చెప్పగలను .ఆయనకు భార్యనైనంత మాత్రాన ప్రతి విషయం లో
ఆయనకు అనుకూలంగా ఉండాలని లేదు . ...ఉండను . నా ఆలోచనలు, నా నిర్ణయాలు నావి . “
రాహుల్ ఆర్తిగా ఆమెనే చూస్తున్నాడు . ఆమె ప్రేమగా అతడి భుజం పై చెయ్యివేసింది .
కళ్ళల్లో తడి .
“ రాహుల్ ! నన్ను అమ్మా అని పిలుస్తావా ? ఆ పిలుపు కోసం నేనేం చేయాలి ? నా ప్రాణాలు
ఇవ్వమంటావా ?” ఆమె గొంతు వణికింది .
******************************
కొనసాగించండి 40లో
