‘రాహుల్ ఇంట్లో అడుగు పెట్టినప్పటి నుండి విద్యాధర కళ్ళు అత్తగారి కోసం
అన్వేషిస్తున్నాయి . అక్కడ దిగిన గంట లోనే నాలుగు సార్లు రాహుల్ కు గుర్తు చేసింది
. రాహుల్ నిస్సహాయం గా భరత్ రామ్ ను చూశాడు . అతడి బాధ ఆయనకు అర్థమైంది .
“ విద్యా ! మీ అత్తగారిది పెద్ద వయసు కదా ?
విశ్రాంతి గా పడుకొని ఉంది . రేపు ఉదయం స్థిమితం గా చూడవచ్చు . నువ్వు ఈ
రాత్రి రెస్ట్ తీసికో ‘”
అత్తా- కోడళ్ళ సమావేశం చాలా కీలకమైంది . విచిత్రమైన పరిస్తితుల్లో చాలాకాలం
తర్వాత కలుస్తున్నారు . కలిసిన క్షణం లో వారిద్దరి భావోద్వేగం ఊహకందని స్థాయి లో ఉంటుంది . అందుకు
పెద్దావిడను సిద్ధం చేయాలి . ఆవిడ రాత్రి పూట
ఓ పెద్ద గ్లాసు నిండా పాలు తాగుతుంది . మరేమీ తీసుకోదు . అదే
ఆమె జీర్ణశక్తికి ఎక్కువ .
“ ఏరా పాలు నువ్వు తీసుకోచ్చావ్ ? నీ కూతురేది ? అప్పుడే నిద్ర పోయిందా ?”
ఏం నీ ముని మనవరాలే తీసుకురావాలా ? నేను తెస్తే తాగవా ?”
“ పడుకోబోయే ముందు దాన్ని ఒక్కసారి చూడాలి . . ఎంతైనా అది నా చిట్టి కోమల కదా
?”
“ నీ కోడలి మాట ఎత్తితే నే ఎగిరి పడతావ్. చిట్టి కోమలని , నా కూతురని
ముద్దు చేస్తావ్ . అయినా మా అమ్మ మీద ఎందుకంత కోపం ?”
“కోపం కాదురా బాధ లేనిపోని భయాలతో నిండు ప్రాణం బలి తీసుకుంది .. .”
“ మీ నాన్న అకాల మరణం తనను బాగా కృంగ
దీసింది . తనకు రక్షణ, భవిష్యత్తు లేదనుకుంది . ఎంత చెప్పినా వినకుండా
మంటలకు ఆహుతి అయింది .చివరి మాట ముగిస్తూ కళ్ళు తుడుచుకుంది .”
“ మా అమ్మ మళ్ళీ పుడితే ?” ....
పెద్దావిడ జాలిగా నవ్వింది .
“ మళ్ళీ పుట్టినట్లు కల గన్నావా ?”
“ కల కాదు నాన్నమ్మా ! నిజం ! “ ఆమె
అర్థం కానట్లు చూసింది .
“ మీ అమ్మ మళ్ళీ పుట్టడమేమిటి రా ?”
ఆమె లో కలవరం. గొంతు లో సన్నగా వణుకు .
“ అవును. నాన్నమ్మా ! మళ్ళీ పుట్టింది
...”
అలా ప్రారంభించి వివరాలన్నీ క్లుప్తం గా చెప్పాడు .
“ ఆమె నిన్ను చూడడానికి రేపు వస్తుంది
. ఈ జన్మ లో కూడా ఆమె కు నేను రాహుల్ బాబు నే . .. నిన్ను కలవాలట . చేసిన తప్పుకు
క్షమించమని అడగాలట
నన్ను చూసి కదిలిపోయింది . ఆ క్షణం లో
ఆమె లో అమ్మ కనిపించింది . వయసు , మారిన రూపం , జన్మ ---- ఏవీ ఆమెను
ఆపలేకపోయాయి “.
సాంతం కుతూహలం గా, ఆత్రుత గా విన్న రాహుల్ నాన్నమ్మ తృప్తి గా
నిట్టూర్చింది .
“ ... ఇన్నాళ్ళ నీ బాధ , ఆరాటం , వృధా కాలేదు . మీ అమ్మ మళ్ళీ తిరిగి వచ్చింది
. .బహుశా ఈ అద్భుతం చూడటానికే ఇంత కాలం
బ్రతికున్నానేమో ! ఇక నీ గురించి నాకు దిగులు లేదు . సంతోషం గా , ధైర్యం గా నా పెద్ద కొడుకు దగ్గరికి వెళ్లిపోవచ్చు . “
మనవడిని సంబరం గా చూసింది .
“ నువ్వెక్కడి కెళతావ్ ? కోడలితో నాలుగు రోజులు కలిసి మెలసి ఉండవా ?”
ఆమె నవ్వింది . దాదాపు పాతికేళ్ళ తర్వాత ఆమె మొహం లో ఉత్సాహం చూడగలిగాడు .
ముడుతలు ముడుచుకు పోయిన మొహం లో వెలుగు రేకలు .
వాయిస్ ఆఫ్ ఉమెన్ ‘ కార్యదర్శి దీప్తికులకర్ని విద్యాధరికి
రాసిన బహిరంగ లేఖను పాత పేపర్లు
రెండు సార్లు చదువుకున్నాడు . కులకర్ణి కి ఆమె
వివరాలు కావాలి . ఆ వివరాలు తనకు తెలుసు గనుక ఆమెకు అందించ గలడు .తగినంత రాబట్టు కోగలదు
. ప్రైవేటు డిటెక్టివ్ గిరిధర్ లాల్ కులకర్ణి ల్యాండ్ లైన్ కు ట్రై చేశాడు .
వెంటనే లైను దొరికింది .
చెప్పవలసిన విషయాలు సూటిగా, క్లుప్తం గా చెప్పాడు . అతడు చెప్పింది కులకర్ణి
ఓపిగ్గా విన్నది . అరనిమిషం మౌనం తర్వాత అతడిని వెంటనే ఢిల్లీ కి రమ్మంది .
గిరిధర్ లాల్ అరుదైన అవకాశాలు వస్తే మడి కట్టుకొని కూర్చోడు . నో ప్రొఫెషనల్ ఎథిక్స్ .
జస్వంత్,
భరత్ రామ్ ,
కులకర్ణి----అజయ్ లక్ష్యం గా ఆనాటి రహస్యం వెలికి తీయడానికి వడివడిగా
నిర్దిష్ట ప్రణాళికలతో ముందుకు దూసుకు వెళుతున్నారు .
ఇదంతా ఒక ఎత్తైతే –అజయ్ వ్యవహారం లో
రాజకీయ జోక్యం అనూహ్య పరిణామం . రాష్ట్రం లో అధికార పార్టీకి , అజయ్ సింహ
వర్గానికి అసలు పొసగదు .
ఒకరిపై ఒకరు పై చేయి సాధించడానికి అవకాశం కోసం ఎదురు చూస్తుంటారు . .
అజయ్ సింహ ఆ పరగణా లోనే మకుటం లేని మహారాజు . వారసత్వం గా వచ్చిన రాచరికపు దర్పం , , విక్రం
సింహ పేరు,
ప్రతిష్టలు , దాతృత్వం, దయాగుణం అజయ్ సింహ్ తమ్ముడిగా అందిపుచ్చు కున్నాడు .
అందరూ అతడికి బ్రహ్మ రథం పడుతుంటే స్థానిక నాయక గణానికి ఒంటికి కారం రాసుకున్నట్లుగా వుండేది .
ఇన్నాళ్ళకు కుడితిలో పడ్డ బల్లి లా వారికి దొరికాడు . సహగమనం సాంఘిక దురాచారం అన్న
ఒకే ఒక్క ఆయుధం తో వారు అజయ్ పై ప్రత్యక్ష పోరాటం ప్రారంభించారు . అధికార పార్టీ
లోని పై వర్గాలు ఈ అవకాశాన్ని పూర్తిస్థాయి లో వినియోగించుకున్నాయి . సమావేశాలతో ,
ప్రదర్శనలతో అతడి కీర్తిని , పలుకుబడిని
దెబ్బ దీశాయి .
*****************************
కొనసాగించండి 34లో
