సహగమనం సాంఘిక దురాచారం అన్న ఒకే ఒక్క ఆయుధం తో వారు అజయ్ పై ప్రత్యక్ష పోరాటం
ప్రారంభించారు . అధికార పార్టీ లోని పై వర్గాలు ఈ అవకాశాన్ని పూర్తిస్థాయి లో
వినియోగించుకున్నాయి . సమావేశాలతో , ప్రదర్శనలతో
అతడి కీర్తిని , పలుకుబడిని దెబ్బ దీశాయి .
ఇలా అన్నివిధాల అడకత్తెర లో పోక చెక్క లా నలిగిపోయిన అజయ్ చివరకు భార్య ముందు
తలవంచాడు . ఆనాడు జరిగినవన్నీ క్లుప్తంగా చెప్పాడు . అలా చెప్పుకుంటే బార్య దృష్టి
లో తనెంత దిగజారి పోతాడో తెలుసు . కానీ—తప్పదు .ఈ మానసిక క్షోభ కన్నా ఆ పతనం మేలు .
అజయ్ చెప్పింది మౌనం గా విన్నది . ఆమె మొహం లో కోపం, బాధ, అసలు కనిపించలేదు .
నిర్వికార స్థితి . అజయ్ ఆశ్చర్య పోయాడు .
“ నన్ను చూస్తుంటే అసహ్యం వేయటం లేదా “?
“ఎందుకు?”
“ సొంత వదిననే కిరాతకం గా చంపటం .....”
“ ఆనర్ కిల్లింగ్ రాజవంశాలలో , జమీందారీ కుటుంబాల్లో మామూలేగా . మీరేం
మినహాయింపు కాదు .”
“ ఆనర్ కిల్లింగ్ అంటే.......? అజయ్ కు అర్థం కాలేదు .
“ సంప్రదాయం కావచ్చు . వంశ గౌరవం కావచ్చు . సొంత వారినే చంపుకోవటం ....”
అజయ్ తలవంచుకున్నాడు .
“ ఇప్పుడు మీరు చెప్పి వుండే వారు కాదు . పరిస్థితులు మీ చేత చెప్పించాయి .
మీకు నా సలహా, సాయం కావాలి . నా దృష్టి లో మీ స్థానం పడిపోయినా
ఫర్వాలేదు . లోకం దృష్టి లో రాజా అజయ్ సింహ లాగే నిలిచి పోవాలి . ప్రాణం పోయినా
పర్వాలేదు . పరువు మాత్రం పోకూడదు . “ కత్తి తో నిలువునా కోస్తున్నట్లు ఉంది అజయ్
కు .
“ మీరు పది రోజుల క్రితం ఓ మంత్రగాడి తో మాట్లాడారు . అతడేగా మీ వదిన గారి పై మంత్రం ప్రయోగం
చేసింది . ? కాని --- ఆ మంత్రగాడి కున్న న్యాయం
, మానవత్వం మీకు లేకుండా పోయినాయి . మంటల్లో కాలిపోతూ రాహుల్ బాబు కోసం మీ
వదిన గారు అల్లాడి పోయారు . ఆమె కేకలు
అతడిని కదిలించలేకపోయాయి . ప్రతిఫలం వద్దనుకొని వెళ్ళిపోయాడు . పైగా రాహుల్ బాబును
, మళ్ళీ పుట్టిన వదినగారికి , కలిసి
చేసిన పాపం కొంత తగ్గించుకోమన్నాడు . ఆ మాటలు చెవికెక్క లేదు . ఆమెను ఎలాగైనా
కలిసి నయానో , భయానో ఆమె నోరు
మూయిన్చాలనుకున్నారు . వంశ గౌరవం ముందు ఏ విలువలు నిలువవు . ఇంత జరిగాక , ఇన్ని అద్భుతాలు చూశాక కూడా మీలో
మార్పు రాలేదు . ఇది మీ మొండితనమా , మూర్ఖత్వమా ?”..మీరన్నట్లు రాక్షసత్వమా ?”
కళ్ళు తిరిగి పోయాయి అజయ్ కు . పది రోజుల క్రితమే తెలిసినా పెదవి కదపలేదు . ఈ పది రోజులు ఎంత మానసిక క్షోభ అనుభవిన్చిందో ?
అన్ని దశలు దాటి ఇప్పుడు నిర్వికార స్థితికి దాటుకుంది . అందుకే మాట తీరులో నిలకడ
.
ఆమె ఇప్పటికే ఒక నిశ్చితాభిప్రాయానికి వచ్చి ఉంటుంది . ఇక ఆ అభిప్రాయాన్ని
దేవుడు కూడా మార్చలేడు
“ ఆమె వివరాలు నాకు తెలిశాయి . వారు
ఉండేది హైదరాబాదు . మీ తరపున హైదరాబాదు నేను వెళతాను . మనకు అనుకూలం గా ఆమెను
ఒప్పించేందుకు శాయశక్తులా ప్రయత్నిస్తాను . నామీద నాకు నమ్మకముంది . మంచితనం మీద
నమ్మకముంది .” “ ఆమె వివరాలు రూపా ఎలా తెలుసుకుంది ? అజయ్ కు అర్థం కాలేదు . “
రూపా అంత పట్టుదలగా ప్రయత్నించింది అంటే తనపై అసలు నమ్మకం లేకే . తను చెప్పేది
నిజమా , కాదా అని ఋజువు చేసుకోవటానికే “
“ మీకోసం చేసే ప్రయత్నం కాదిది . కేవలం నా పిల్లల కోసం , వారి దృష్టి లో మీ
స్థానం పడిపోకూడదు . ఆనాటి పీడకల , పాపం
వెలుగు చూసి సమాజం లో వారు అవమానం తో తలదిన్చుకోకూడదు “
“ In favour of your fight for social కాజ్”‘ టాక్ అఫ్ ది లెటర్ పై రాసిన కొటేషన్ దీప్తి దృష్టిని ఆకర్షించింది . ఆ లెటర్ పంపింది జస్వంత్ . public relation s తో తలమునకలుగా ఉండే దీప్తికి జస్వంత్ ఎవరో తెలుసు . అతడి సత్తా తెలుసు . అతడో ప్రపోజల్ తో ముందుకు రావటం ఆమెకు ఆనందం , ఆశ్చర్యం కలిగించాయి . తన ప్రయత్నానికి అతడి సహకారం చాలా అవసరం. అతడిని వెంటనే కలవాలి .
ఇంతలో కాలింగ్ బెల్ మోగింది . దీప్తి వెళ్లి తలుపు తెరిచింది . ఎదురుగా గిరిధర్ లాల్ . ప్రైవేటు డిటెక్టివ్ . అతడు తన వివరాలు , విద్యాదరి కేసు వివరాలు క్లుప్తం గా చెప్పాడు . ఆమె అడ్రెస్ మాత్రం చెప్పలేదు . దీప్తికి అతడి వైఖరి అర్థమైంది . టర్మ్స్ కుదిరితేనే గాని పెదవి కదపడు .
నిజానికి ఇప్పుడతని అవసరం
లేదు .
***
జస్వంత్ అన్నివిధాలా సహకరిస్తాడు . కాని—అతడు స్థానికుడు . అక్కడి వివరాలు ,
మనుషుల మనస్తత్వాలు తెలిసిన వాడు .
“ అజయ్ తో మీ అసైన్మెంట్ విద్యాదరి వివరాలు తెలుసుకోవటం వరకేనా ?”
“ అంతే మేడం !”
“ విద్యాధరి వివరాలు నాకు ఎందుకు చెప్పాలనుకుంటున్నారు “? ఆమె అతడిని నిశితంగా
చూసింది . చురుక్కుమన్న ఆ చూపులు అతడిని ఇబ్బంది పెట్టాయి .
************************************
కొనసాగించండి 36 లో
