5వ - భాగం
(.........) : (చిన్నగా కళ్ళనీళ్ళతొ) ఏవండి ఇప్పుడు కచ్చితంగ వెళ్ళక తప్పదా.?
(-----) :తప్పదు వెళ్ళాలి. నిన్ను ఈ పరిస్తితిలొ వదలి వెళ్ళడం నాకూ ఇష్టం లేదు. అయిన నువ్వు ఏడవద్దు నేను 2 రోజుల్లొ తిరిగి వచ్చేస్తా కదా.
(.........) : (కళ్ళు తుడుచుకుంటూ) సరె మీరు అక్కడికి చేరగానె నాకు కాల్ చేయడం మర్చిపోవద్దు.
(-----) : సరే. నువ్వు జాగ్రత్త.
(.........) : (చేయ్యి ఊపుతూ) బై అండి
(-----) : (చేయ్యి ఊపుతూ) బై.....
అలా నిండు గర్భిణి అయిన తన భార్యకి వీడ్కోలు చెప్పి టాక్సి ఎక్కి విమానాశ్రయానికి బయలుదేరాడు ఓ వ్యక్తి. కాని దారిలొ ఆ కారుకి పెద్ద ఏక్సిడెంట్ అయ్యింది.
దాంతొ ఒక్కసారిగా సురేష్ నిద్రలోంచి లేస్తాడు. కళ్ళు తెరిచి తాను ఎక్కడ ఉన్నాడొ చుట్టూ చూస్తాడు.
తాను పొడుకున్న మంచానికి ఎదురుగా గోడ మీద ఎవరో భార్య భర్తలు కలిసి ఉన్న ఫొటోలు తగిలించి ఉన్నాయి.
సురేష్ లేచి ఆ ఫోటోలు వద్దకు పోయి చూసాడు. ఆ ఫొటొల్లో ఉన్నది తనె. తన ప్రక్కన ఉన్నది మేఘన.
ఫొటోల్లొ ఉన్న మేఘనని చూడగానె తనకి నిద్దట్లొ వచ్చిన కల గుర్తుకువచ్చింది.
తన కలలొ కనిపించిన గర్భిణి స్త్రీ ఎవరొ కాదు మేఘన అని గుర్తుపట్టాడు.
అప్పుడె మేఘన ఆ గదిలోకి వచ్చింది.
మేఘన : ఏవండి ఇప్పుడు ఎలా ఉంది.? రాత్రి దెబ్బలతొ ఉన్న మిమ్మల్ని ఎవరొ ముగ్గురు మన ఇంటి దాగా దిగబెట్టారు. అప్పుడు మీరు పూర్తి స్పృహ లో లేరు. తరువాత మిమ్మల్ని నేనె ఈ గదిలో కి తీసుకువచ్చి పడుకొబెట్టాను. డాక్టర్ ఇచ్చిన ఇంజెక్షన్ వల్ల ఏమొ మీరు పడుకొబెట్టగానె మత్తుగా నిద్ర పోయారు. అసలు మీకు ఈ దెబ్బలు ఎలా తగిలాయండి?
మేఘన అలా మాట్లాడుతునె ఉంది కాని సురేష్ మాత్రం అయొమయంగ చూస్తున్నాడు. "అసలు తను మేఘన ఉన్న ఈ ఇంటికి ఎలా వచ్చాడా అని".
ఎందుకంటె తను ఉన్నది సూర్య ఇంట్లొ కాదు. పైగా నిండు గర్భిణిగా ఉన్న మేఘన తన కలలొ ఎలా కనిపించింది.
మేఘన : ఏమైందండి? ఏం మాట్లాడరే?
సురేష్ ఇంకా అలాగె ఉన్నాడు.
మేఘన : సరె లేచి మొహం కడుక్కోండి. నేను మీకు తాగడానికి ఏమైన తీసుకువస్తా.
అని మేఘన ఆ గది నుంచి బయటకి వెళుతుంది.
కలలొ మేఘనని సురేష్ ఒక పేరుతొ పిలిచాడు. వెళుతున్న మేఘనని చూసి ఆ పేరు తనకి ఇప్పుడు గుర్తుకు వచ్చి.
"మేఘు " అని పిలిచాడు.
అంతె మరుక్షణంలొ మేఘన పరిగెత్తుకుంటు తన వద్దకు వచ్చింది.
మేఘన : ఏమన్నారు?
సురేష్ : మేఘు ...
అంతె వెంటనె సురేష్ ని గట్టిపట్టుకొని మేఘన ఎడ్చేసింది.
మేఘన : (సంతోషంతొ ఏడుస్తు) చివరికి మీరు నన్ను గుర్తుపట్టారు.
కాసేపటికి సురేష్ తల్లిదండ్రులు మరియు మేఘన తండ్రి విక్రమ్ ఆ గదిలోకి వస్తారు.
వాళ్ళందరిని అక్కడ చూసి సురేష్ ఆశ్చర్యానికి గురవుతాడు.
అప్పుడె మేఘన గతం గురించి చెప్పడం మొదలుపెట్టింది.
8 ఏళ్ళ క్రితం సురేష్ హైద్రాబాదు పెప్సికొ (Pepsico) కంపనీలోని జూనియర్ చాటెడ్ ఎకౌంటెంట్ గా ఉద్యోగం చేస్తుండెవాడు.
అదె కంపనీలొ ఎమ్.ఎస్.సి ఫుడ్ సైన్స్ (M.SC Food science) చేసిన మేఘన కొత్తగా క్యూ.సి డిపార్టమెంట్ లొ జాయిన్ అయ్యింది.
ఒకరోజు మద్యాహ్నం భోజనానికని మేఘన క్యాంటిన్ కి వచ్చి తన ప్లేటు తీసుకొని సురేష్ ఉన్న టేబుల్ దగ్గర కూర్చుంది.
సురేష్ ఎవరొ మేఘన గుర్తుపట్టి. తను సురేష్ చదివిన స్కూల్లోనె చదివాను అని చెప్పింది. స్కూల్లొ జరిగిన ఆటల పోటిల్లొ ఒకసారి సురేష్ తొ చదరంగం ఆడి ఓడిపోయినట్టు గుర్తిచేసింది.
అలా వారిద్దరు తమ చిన్ననాటి పరిచయం వల్ల ఆ రోజునుంచి స్నేహితులయ్యారు. సంవత్సరం తరువాత ఇద్దరి మద్యన ఇష్టం ఏర్పడింది.
ఒకరోజు సురేష్ ప్రేమిస్తున్నా అని మేఘనకి చెబుతాడు. మేఘన కూడా వెంటనె ఒప్పుకుంటుంది.
మేఘన వాళ్ళ నాన్న విక్రమ్ ఒక న్యూరోలజిస్ట్ డాక్టర్ మరియు బాగా ఆస్తిపరుడు. మేఘనకి తన స్థాయికి తగిన పెళ్ళి సంబంధాలు చూడ్డం మొదలుపెట్టాడు.
అదె సమయంలొ మేఘన తన ప్రేమ విషయం తండ్రి కి చెప్తుంది.
కులాలు వేరు కావడం మరియు సురేష్ మద్యతరగతికి చెందినవాడు కావడం తొ. విక్రమ్ తన కూతురి ప్రేమ ను ఒప్పుకోడు. పైగా తనకి వేరె సంబంధం చూసి పెళ్ళి చెయ్యాలి అని చూసాడు.
కాని మేఘన తండ్రి ని కాదని సురేష్ వద్దకు వచ్చి తనని వెంటనె పెళ్ళి చేసుకోమని కోరింది.
సురేష్ కూడా పరిస్తితినిబట్టి వేరె మార్గం లేక తన స్నేహితుడు సూర్య సహాయంతొ మేఘనని పెళ్ళి చేసుకుంటాడు. కాని తన పెళ్ళి విషయం సురేష్ తన ఇంట్లొ వాళ్ళకి చెప్పలేదు. తన చెల్లి పెళ్ళి అయ్యాక నెమ్మదిగా చెబుదామని ఆగాడు.
11 నెలల తరువాత సురేష్ చెల్లికి మంచి సంబంధం కుదురింది. దానికోసం సురేష్ వైజాగ్ వెళ్ళడానికి బయలుదేరాడు. అప్పటికె మేఘన 8 నెలల గర్భవతి.
విమానాశ్రయానికని టాక్సి ఎక్కి వెళతున్నప్పుడు పెద్ద ఏక్సిడెంట్ జరిగి తను హాస్పెటల్ జాయిన్ అవుతాడు.
ఆ హాస్పెటల్ చీఫ్ డాక్టర్ నారాయణ మేఘన తండ్రి విక్రమ్ కు మంచి స్నేహితుడు.
హాస్పెటల్ జాయిన్ అయిన సురేష్ ని చూసి గుర్తుపట్టి వెంటనె విక్రమ్ కి ఫోన్ చేసి చెప్తాడు.
విక్రమ్ హుటాహుటిన హాస్పెటల్ కి వచ్చి తన స్నేహితుడు డాక్టర్ నారాయణ ని కలుస్తాడు.
విక్రమ్ : నారాయణ ఏమైంది? ఇప్పుడు ఎలా ఉన్నాడు.?
డా.నారాయణ : ప్రాణాపాయం లేదు రా తను బానే ఉన్నాడు. కాకపోతె తలకి కొంచె గట్టిగ దెబ్బ తగిలింది కదా దాంతొ పెద్ద కుట్లె పడ్డాయి.
విక్రమ్ : ఇప్పుడు ఎక్కడ ఉన్నాడు? స్ప్రహ లోకి వచ్చాడా?
డా.నారాయణ : అతను ఇప్పుడు జెనరల్ వార్డు లొ ఉన్నాడు. ఇందాకలె స్ప్రహ లోకి వచ్చాడు. పదా వెళ్ళి చూసి వద్దాం.
విక్రమ్ మరియు డా.నారాయణ ఇద్దరు సురేష్ వద్దకు వెళతారు.అప్పటికె సురేష్ స్ప్రహ లొకి వచ్చి ఉన్నాడు.
విక్రమ్ మరియు డా.నారాయణ ఇద్దరు తన వద్దకు రావడం చూస్తాడు.
డా. నారాయణ : హలొ మిస్టర్ .సురేష్ ఎలా ఉంది మీకు ఇప్పుడు.?
సురేష్ : బానే ఉంది డాక్టర్ అయిన నా పేరు మీకు ఎలా తెలుసు?
డా. నారాయణ : నీ పేరు నాకు తెలియకపోవడం ఏంటి మిస్టర్.సురేష్? మనం ఒకరికొకరు తెలుసున్న వాళ్ళం కదా. విక్రమ్ తొ ఉన్నప్పుడు నేను నిన్ను 2 - 3సార్లు చూసాను.
సురేష్ : విక్రమ్ ? ఆయన ఎవరు?
డా. నారాయణ : ఈ విక్రమ్ సురేష్ .....
అని విక్రమ్ ని చూపించి డా.నారాయణ చెప్తాడు.
సురేష్ : క్షమించాలి ఈయన ఎవరు?
డా. నారాయణ : ఈయన ఎవరా? అదేంటి సురేష్ అలా మాట్లాడుతావు. ఈయన ఎవరొ నీకు తెలీయదా? ఈయన మీ.....
అని డా. నారాయణ తన మాట పూర్తి చేసె లోపలె విక్రమ్ తనని ఆపి పక్కకి తీసుకువెళతాడు.
డా. నారాయణ : నువ్వు ఎవరొ తెలియదంటాడు ఏంటి?
విక్రమ్ : ఇంకా అర్ధం కాలేదా? ఎమ్నోషియా. చూస్తుంటె తను గతం మర్చిపోయినట్టు అనిపిస్తుంది.
తరువాత విక్రమ్ సురేష్ వద్దకు వెళ్ళి .
విక్రమ్ : చూడు మిస్టర్. సురేష్ నీ పూర్తి వివరాలు ఒకసారి చెప్తావా?
సురేష్ తన గురించిన పూర్తి వివరాలు చెప్తాడు. ఒక్క మేఘన గురించి తప్ప.
విక్రమ్ : ఇది ఏ సంవత్సరమొ తెలుసా?
సురేష్ : 2017 మార్చి అనుకుంటా. ఏం?
విక్రమ్ : ఏం లేదు.
తరువాత విక్రమ్ డా.నారాయణ వంక చూసి తలు ఊపుతాడు.
డా.నారాయణ : పార్షియల్ ఎమ్నోషియా (Partial Amnesia) అనుకుంటా రా. 2 ఏళ్ళ తాలుక ఙాపకాలన్ని మర్చిపోయినట్టున్నాడు.
పూర్తిగా తెలుసుకోవడం కోసం వాళ్ళు సురేష్ మెదడు కి అన్నీ పరీక్షలు చేసి వాటి రిపోర్ట్సు చూసి నిర్ధారించుకుంటారు .
డా.నారాయణ : పార్షియల్ ఎమ్నోషియా (Partial Amnesia) రా తనకి రిపోర్ట్సు లొ అలాగె ఉంది. అంటె తను మేఘనని మర్చిపోయాడు. ఈ విషయం తనకి తెలుస్తె ఎంత బాధపడతుంది.
విక్రమ్ : అందుకె మేఘన కి చెప్పద్దు.
డా. నారాయణ: ఏం అంటున్నావురా?
విక్రమ్ : అవున. ఇప్పుడు సురేష్ దృష్టిలొ మేఘన తన జీవతం లోకి ఇంకా రాలేదు. కాని మేఘన దృష్టిలొ సురేష్ చచ్చిపోయాడు.
డా. నారాయణ: ఏం మాట్లాడుతున్నావు రా?
విక్రమ్ : అవును సురేష్ ఈ ఏక్సిడెంట్ లొ చచ్చి పోయినట్టు మేఘనని నమ్మించాలి. అప్పుడె తను తిరిగి నా దగ్గరికి వస్తుంది.
డా. నారాయణ: ఒరేయి పాపం రా. నీ కూతురు నీ దగ్గరికి రావడం కోసం తను కట్టుకున్నవాడిని దూరం చేస్తావా తప్పు రా. పైగా మేఘన ఇప్పుడు కడుపుతొ కూడా ఉంది. ఆ పుట్టబోయె బిడ్డకి తండ్రి ని దూరం చేయకు రా.
విక్రమ్ : ఆ బిడ్డకి తండ్రె కాదు తల్లి కూడా దూరం అవుతుంది. పుట్టిగానె మేఘన నుంచి ఆ బిడ్డని దూరం చేసి. తన బిడ్డ చనిపోయనట్టు అబద్దం చెప్పి మేఘన నమ్మిద్దాం.
డా.నారాయణ : ఆలా ఎందుకు రా.? అలా చేస్తె మేఘన తట్టుకోలేదు రా. చనిపోతుంది.
విక్రమ్ : కులంకాని వాడిని చేసుకొని నా దృష్టిలొ అది ఎప్పుడొ చచ్చింది. అందుకె ఇప్పుడు సురేష్ ని తన బిడ్డ ని మేఘన నుంచి వేరు చేసి. నాకు నచ్చిన వాడితొ మళ్ళి తనకి పెళ్ళి చేసి పోయిన పరువుని తెచ్చుకుంటా.
విక్రమ్ తన స్నేహితుడు డా.నారాయణ ని ఎలాగొకలా ఒప్పించి సురేష్ చనిపోయినట్టు తన లాగె ఉండె ఒక శవాన్నీ చూపించి మేఘన నమ్మిస్తాడు.
తరువాత సురేష్ స్నేహితుడైన సూర్య ని హాస్పెటల్ కి పిలిచి. తనకు డబ్బు ఆశ చూపి తను చెప్పినట్టు చెయ్యమని విక్రమ్ చెప్తాడు.
విక్రమ్ చెప్పనట్టు సూర్య సురేష్ తల్లిదండ్రులుకి ఫోన్ చేసి ఏక్సిడెంట్ గురించి చెప్తాడు. కాని వాళ్ళకి సురేష్ యొక్క ప్రేమ మరియు పెళ్ళి విషయం తెలియదు. సూర్య కూడా చెప్పడు .
అనుకున్నట్టు గానె సురేష్ తన ఊరి కి వెళ్ళిపోయాక విక్రమ్ తన కూతురిని పిలిచి సురేష్ లాగె ఉన్న ఒక శవాన్నీ చూపించి తను చనిపోయాడు అని మేఘనని నమ్మిస్తాడు.
కొన్ని రోజుల తరువాత మేఘన ఒక మగ బిడ్డ ని ప్రసవిస్తుంది. అనుకున్నట్టుగా ఆ బిడ్డను విక్రమ్ దూరం చెయ్యాలి అనుకున్నాడు కాని. ఆ బిడ్డ మొహం చూసాక ఎందుకొ తను ఆ పని చేయడానికి సంకోచించాడు.
ఈలోపు మేఘన కళ్ళు తెరిచి బిడ్డను చూసింది. దాంతొ విక్రమ్ ఇంక తను ఈ ఆలోచనను విరమించుకోక తప్పలేదు.
తరువాత విక్రమ్ తన కూతురికి వేరె పెళ్ళి చెయ్యాలి అని ప్రయత్నించాడు గాని మేఘన ఒప్పుకోలేదు. తను సురేష్ ని తప్ప ఇంకెవ్వరిని తన జీవితంలోకి రానివ్వను అని చెప్పింది.
అలా 6 ఏళ్ళు గడిచాయి. ఒక రోజు వైజాగ్ లోని మాల్ లొ మేఘన అనుకోకుండా సురేష్ ని చూసింది. ముందు నమ్మలేదు తరువాత అనుమానంతొ తన వెనకె వెళ్ళింది. తను సురేష్ అని నిర్ధారించుకున్నాక పిలవాలి అని చూసింది కాని అప్పటికె సురేష్ అక్కడనుంచి వెళ్ళిపోయాడు.
తరువాత నేరుగా తన తండ్రి వద్దకు వెళ్ళి తను మాల్ లొ సురేష్ ని చూసిన విషయం చెప్పి విక్రమ్ ని నిలదీస్తుంది.
పశ్చాతపంతొ విక్రమ్ మొత్తం నిజం చెప్పేస్తాడు.
విక్రమ్ : అది అల్లుడు జరిగింది. నన్ను క్షమించు నా వల్లె మీరిద్దరు విడిపోయారు. అందుకనె ఎలాగైన మిమ్మల్ని కలపాలి అని ఉద్దేష్యంతొ. నేరుగా నీ వద్దకు వస్తె కుదరదు అని నువ్వు నమ్మవని పోలీసులతొ డి.ఎన్.ఎ టెస్టు చేపించాను. 45 రోజులు కి రావాల్సిన డి.ఎన్.ఎ రిపోర్టుని నా ఫ్రెండు డా.నారాయణ కొడుకు హరి తొ మాట్లాడి 10 రోజులుకె వచ్చేలా చేసాను. ఆ తరువాత కోర్టు తతంగం నడిచంది నీకు తెలుసు.
రాము (సురేష్ తండ్రి) : నువ్వు మాకు చెప్పకుండా ఇల్లు వదిలి వెళ్ళిపోయిన తరువాత 2 రోజుకి ఈయన మన ఇంటికి వచ్చి జరిగిన విషయం మొత్తం మాకు చెప్పారు.
విక్రమ్ : నువ్వు సూర్య దగ్గరికె వెళ్ళావన్న సంగతి మాకు తెలుసు అల్లుడు. ఆ విషయం సూర్య ఏ మాకు ఫోన్ చేసి చెప్పాడు.
సురేష్ : మరి రాత్రి ఏక్సిడెంట్ తరువాత నన్ను ఇక్కడ తీసుకువచ్చింది కూడా మీ మనషులే నా?
విక్రమ్ : ఆ విషయం మాకు తేలీదు. నువ్వు వచ్చినప్పుడు పూర్తి స్పృహలొ లేవంట. నాకు తెలిసి నువ్వు మైకంలొ ఉన్నప్పుడు నీకు ఈ ఇంటి అడ్రస్సు గుర్తొచ్చి నీకు తెలియకుండా వాళ్ళకి చెప్పి ఉండచ్చు.
గతం మొత్తం తెలిసాక సురేష్ మేఘనని పట్టుకొని క్షమించమని అడుగుతాడు.
ఈలోపు సురేష్ కొడుకు వీళ్ళ మాటలకు నిద్ర లేచి హాల్లోకి వస్తాడు.
సురేష్ ఆ బాబుని చూసి తనని దగ్గరికి తీసుకొని కౌగిలించుకుంటాడు.
సురేష్ : మేఘన ఇంతకి బాబు కి ఏం పేరు పెట్టావు?
మేఘన : అబ్బాయి పుడితె మీరు ఏం పేరు పెడదాం అనుకున్నరొ అదె పెట్టాను "శివ రామ క్రిష్ణ"
ఇలా అందరు కలిసిపోయి ఆనందంగా ఉన్నారు. ఆ రోజు సాయంత్రం సురేష్ స్నేహితుడు సూర్య అక్కడికి వచ్చాడు.
సురేష్ : సూర్య? రా రా...
సూర్య : నువ్వు నీ భార్య కొడుకుతొ కలవడం నాకు సంతోషంగా ఉందిరా. ఇప్పుడు నీకు గతం అంతా గుర్తొచ్చిందా?
సురేష్ : లేదు రా పూర్తిగా ఏం గుర్తురాలేదు.
సూర్య : ఏక్సిడెంట్ జరిగిన రోజు ఏమైయ్యిందొ నీకు గుర్తుందా?
సురేష్ : ఏక్సిడెంట్ జరిగిన సంగతి మాత్రమె తెలుసు అంతకు మించి ఇంకేం గుర్తులేదు. ఏం రా అలా అడుగుతన్నావు.?
సూర్య : ఏం లేదు.
అంటు కొడుకుతొ ఆడుకుంటున్న సురేష్ నె చూస్తూ సూర్య గతంలోకి వెళ్ళాడు.
ఆ రోజు సురేష్ టాక్సి ఎక్కి విమానాశ్రయానికి వెళ్ళినప్పుడు దారిలొ ఉంటుండగా సూర్య తనకి కాల్ చేస్తాడు.
సురేష్ : హలో సూర్య చెప్పరా.....
సూర్య : ఒరేయి నువ్వు ఉద్యోగం ఎందుకు రా మానేసావు?
సురేష్ : వైజాగ్ వెళ్ళి అక్కడె స్థిరపడదామని.
సూర్య : అంటె మీ ఇంట్లొ వాళ్ళకి మేఘన గురించి చెప్పేసావా?
సురేష్ : లేదు. చెప్పను కూడా.
సూర్య : చెప్పవా ? ఎందుకు రా?
సురేష్ : మేఘన తొ పాటు ఆస్తి కూడా వస్తుందని తనని చేసుకున్నా కాని తన తండ్రి ఈ జన్మ లో నన్ను అంగీకరించేలా కనిపించడం లేదు. అందుకె మేఘన ని శాశ్వతంగా వదిలించు కొని 4 నెలల పాటు ఎవరికి తెలియని చోట్లొ ఉంటా.
సూర్య : మరి ఒకవేళ తను నిన్ను వెతుక్కుంటు మీ తల్లిదండ్రులను కలిస్తె.?
సురేష్ : ఆ అవకాశమె లేదు. ఎందుకంటె మా అమ్మ నాన్న ఇద్దరు రాజమండ్రి లొ ఉన్నారు అని తనకి తెలియదు ఇంకా వైజగ్ లొనె ఉన్నరనె అనుకుంటుంది.
సూర్య : తప్పు ఏమొ రా ?
సురేష్ : తప్పె రా కాని తప్పడం లేదు. సరే బై వైజాగ్ వెళ్ళాక నీకు కాల్ చేస్తా.
సూర్య : సరె రా...
సూరేష్ సూర్య తొ మాట్లాడి ఫోన్ పెట్టిసిన తరువాతె ఏక్సిడెంట్ అయ్యింది.
తరువాత గతం నుంచి సూర్య బయటకు వచ్చి. సురేష్ ని చూస్తూ మనసు లొ ఇలా అనుకున్నాడు.
సూర్య : దేవుడు చాలా గొప్పవాడు రా సురేష్. తప్పు చెయ్యాలని చూసిన నిన్ను ఆ తప్పు చేయనియ్యకుండా ఆపి. దాన్ని పూర్తిగా మర్చిపోయెలా చేసాడు.
అని సూర్య తన మనసులొ అనుకుంటాడు.
--------------------------------సమాప్తం----------------------------
