3...
సమస్య ఎక్కడి నుండి వస్తుంది ?
🌹Part ____3(a)
🌟 "గాతకాలం యొక్క ప్రభావం నాపై ఏ మాత్రమూ లేదు"
🌹సరే!!! మనమెన్నో విషయాల్ని ప్రస్తావించు కున్నాము ...మనము సమస్య అనుకొనే దాని నుండి ప్రారంభించి, ఎన్నో మలుపులు తిరిగి, 'అసలు సమస్య 'ఏమిటో తెలుసుకున్నాము..." మనము బాగాలేము" అన్న భావన మరి" మన పైన మనకు ప్రేమ లేకపోవడం "అనేది మనలో ఉండడమే అసలు సమస్య .అని తెలుసుకున్నాము. జీవితంలో ఏదైనా సమస్య ఉంది అంటే అది ఖచ్చితంగా ఈ భావనలోంచి ఉత్పన్నమవుతుంది .ఇప్పుడు ఈ ఆలోచన విధానాలు ఎక్కడి నడి వచ్చాయో చర్చిద్దాం....
🌹తమ గురించి, తమ జీవితం గురించి, పరిపూర్ణంగా తెలిసిన చిన్న పిల్లలుగా ఉన్నప్పటి నుండి నిరంతరము సమస్యలతో సుతమతమవుతూ తాము అనర్హులమని, తాము ప్రేమించబడమని, భావించే పెద్దలుగా ఎలా ఎదిగామో కదా? అనర్హులమనే భావన, తాము ప్రేమించబడము ,అనే భావనలు అందరిలోనూ ఏదో తీవ్రతల్లో ఉంటాయి. ఎవరైతే తమను తాము ఇప్పటికే ప్రేమించుకుంటున్నారో వారు వారిని ఇంకా ఎక్కువగా ప్రేమించుకోవచ్చు.
🌹ఒక చిన్న రోజా పువ్వు యొక్క మొగ్గను ఊహించుకోండి .అది మొగ్గ గా ఉన్నప్పుడు, ఒక పువ్వుగా వికసించేటప్పుడు, చివరి రేకు నేల రాలినప్పుడు, మరి దాని ప్రతి స్థితిలోనూ అది ఎప్పుడు పరిపూర్ణమైనదే! మరి నిరంతరం మార్పు చెందేదే... అలాగే మనము కూడా ,మనం ఎప్పుడూ పరిపూర్ణులమే... ఎప్పుడు సౌందర్యంతో నిండి ఉన్నవారమే... మరి నిరంతరము మార్పు చెందే వాళ్లమే... మనకుండే అవగాహన, జ్ఞానము ,చైతన్యపు స్థాయిని బట్టి, మనము చక్కగానే జీవిస్తున్నాం... మనకు ఇంకా ఎక్కువ అవగాహన,౭ జ్ఞానం వరి చైతన్యపు స్థాయి ఉండి ఉంటే మనం విషయాల్ని విభిన్నంగా చేస్తాము!( అంతే తేడా!
🌻మన మనసు అని ఇంటిని శుభ్రపరచుకోవడం..,
🌹ఇప్పుడు మన గతాన్ని ఇంకాస్త పరిశీలించి, మనలో కొనసాగుతున్న కొన్ని ఆలోచన విధానాలను ,కొన్ని నమ్మకాలను సమీక్షించుకోవాల్సిన సమయం ఆసన్నమైనది.....
🌹 కొంతమంది వారి మనసులని శుభ్రపరచుకోవడానికి ,చాలా బాధాకరంగా భావిస్తారు ....ఇక్కడ అంత బాధ పడవలసిన అవసరం లేదు ..ముందు మనం మనసులో ఏముందో చూసుకోవాలి. అప్పుడే కదా అనవసరమైన వాటిని తొలగిస్తాను....
🌹 మీరు ఒక గదిని పూర్తిగా శుభ్రపరచాలనుకుంటే, ఆ గదిలో అన్ని వస్తువులను జాగ్రత్తగా పరిశీలిస్తారు కదా! కొన్ని వస్తువులను ప్రేమతో చూస్తారు. వాటికి పట్టిన దుమ్మును వదిలించి, లేదా వాటిని చక్కగా పాలిష్ చేసి వా±టికి ఒక సరికొత్త అందాన్ని ఇస్తారు... కొన్ని వస్తువులకు రిపేర్ అవసరమవుతుంది... కొన్ని వస్తువులు మీకు అసలు పనికిరావు… వాటిని మీరు పారేస్తారు. పాత పుస్తకాలు, పాత న్యూస్ పేపర్లు, చెత్త కాగితాలాంటి వాటిని చెత్తబుట్టలో పడ వేస్తారు గదిని శుభ్రపరచుకొనేటప్పుడు కోపము అవసరం లేదు కదా!!!
🌹అదేవిధంగా మన మనసులోనీ గదులను శుభ్రపరిచే టప్పుడు కూడా అంతే, అలాగే మీలోని కొన్ని నమ్మకాన్ని బయటకు విసిరేయడానికి కోపం అవసరం లేదు ...అన్నము తినేసాక మిగిలిన వెతుకుల్ని పడవేసినంత సులభంగా వాటిని వదిలేయండి. ఈరోజు వంట చేయడానికి నిన్న తరిగి పారవేసిన కూరగాయల కోసం చెత్తబుట్టను త్రవ్వరు కదా! అలాగే రేపటి జీవితాన్ని ,భావాలని సృష్టించుకోవడానికి మనసులోని పనికిరాని ,పాత చెత్తను తవ్వాల్సిన అవసరం లేదు కదా!
🌹మీలోని కొన్ని ఆలోచనలు ,నమ్మకాలు మీకేం మాత్రం పనికి రాకపోతే వాటిని మీలోంచి వెళ్లి పోనివ్వండి ...ఒకసారి నమ్మితే ,ఇంకెప్పటికీ అదే నమ్మకాలతో ఊగులాడాలని ఎక్కడా రాసి పెట్టలేదు...
🌹 మనం ఎప్పుడు కొన్ని పరిమితమైన నమ్మకాలను మరి అవి ఏర్పడడానికి గల కారణాలను తెలుసుకుందాము.....
🌻పరిమితమైన నమ్మకము:---" నేను బాగాలేను అన్న సంతృప్తి"
ఎక్కడినుండి వస్తోంది:---" నువ్వు మూర్ఖుడివి. దేనికి పనికిరావు అని పదేపదే తన తల్లిదండ్రులు అంటూ ఉంటే ,పిల్లల్లో ఈ భావన తలెత్తుతుంది....
🌹తను విజయం సాధించాలని, అది చూసి తన తండ్రి గర్వపడాలని, ఒక అబ్బాయి చెబుతుండేవాడు... కానీ అతడు వరుసగా పరాజయాలు పాలవడంతో ,అతడు అపరాధ భావంతో కృంగిపోయేవాడు...మరి క్రోధంతో ఊగిపోయేవాడు.... అతడికి విజయం సాధించడం ఒక "చిక్కుముడిగా" మారి పోయింది.....
🌹వాళ్ళ నాన్న అతనికి ఒక ఫైనాన్సింగ్ బిజినెస్ అప్పజెప్పాడు. కానీ వరుసగా అతడు ఓడిపోతున్నాడు. అతడి ఓటమి అలాగే కొనసాగి వాళ్ళ నాన్న ఆ నష్టాల్ని ఉడుచుకునేందుకు చాలా డబ్బు ఖర్చు పెట్టవలసి వచ్చింది. వాళ్ళ నాన్న కూడా చాలా నష్టపోయాడు..
🌻పరిమితమైన నమ్మకము:-- "తనపై తనకు ప్రేమ లేకపోవడం"
ఎక్కడినుండి వస్తోంది :---నాన్నను మెప్పించడానికి ప్రయత్నిస్తుండడం....
🌻ఒక అమ్మాయికి ఎప్పుడూ తన తండ్రితో అభిప్రాయ బేధాలు వస్తుండేవి. వాళ్ళిద్దరూ ఒకరితో ఒకరు వాదులాడుకునేవారు. ఆమె తనను తాను ఒప్పుకుందాం అనుకునేది. కానీ చివరికి ఆమెకు మిగిలింది విమర్శలు మాత్రమే .ఆ అమ్మాయి చివరకు వాళ్ళ నాన్న లాగా ఉండవలెనని నిర్ణయించుకుంది. ఆమె శరీరం అంతా నొప్పులు వచ్చేవి...ఆమె తండ్రికి కూడా అలాంటి నొప్పులే వచ్చేవి ...తన కోపమే ఇలాంటి నొప్పిని తన శరీరంలో సృష్టిస్తున్నదన్న విషయాన్ని ఆమె గ్రహించలేకపోయింది. అలాగే ఆమె తండ్రికి తన కోపం తన శరీరంలో నొప్పిని సృష్టించింది...
🌻పరిమితమైన నమ్మకము :-- జీవితం చాలా భయానకమైనది:_ ఎక్కడినుండి వస్తోంది
...భయకంపితుడైన తండ్రి / తల్లి
🌹 నా క్లైంట్ ఒకవే ఎప్పుడూ చాలా సీరియస్ గా, పద్ధతిగా ఉండేది... ఆమె మనసారా నవ్వేందుకు కూడా సంకించేది... ఎందుకంటే అలా నవ్వితే ఏదైనా చెడు జరిగి తర్వాత దుఃఖపడతామని భయపడేది...
🌹తన తండ్రి పెంపకంలో ఏయ్ !నవ్వద్దు, అలా నవ్వితే తర్వాత అంతకంత ఏడ్వాల్సి వస్తుంది ...అని హెచ్చరింపబడింది. అందుకే ఆమె అలా తయారయింది...
🌻పరిమితమైన నమ్మకము :-- "నేను బాగాలేను" ఎక్కడి నుండి వస్తోంది....
🌻 తల్లిదండ్రులు పూర్తిగా పట్టించుకోకుండా వదిలిపెట్టబడటం వలన తలెత్తుతోంది...
🌹 ఒకతనికి మాట్లాడడమే కష్టం అయ్యేది. నిశ్శబ్దమే అతని జీవన విధానం అయినది. డ్రగ్స్ కు, ఆల్కహాల్కు అలవాటు పడి ,నేను చాలా చెడిపోయాను అన్న నిర్ధారణకు వచ్చాడు... నాకు తెలిసిందేమిటంటే వాళ్ళ అమ్మ చిన్నప్పుడే చనిపోయింది. అతడు తన పిన తల్లి పెంపకంలో పెరిగాడు. ఆమె అతడితో ఎప్పుడో, ఏదైనా పని చెప్పడానికి తప్ప మాట్లాడేది కాదట .కావున అతడు నిశ్శబ్దంగా పెంచబడ్డాడు. అతడు ఒంటరిగానే తింటాడు... కావాలంటే అతడు ఒంటరిగానే ఎన్ని రోజులైనా గడిపేయగలడు. అతడికి ఒక ప్రియురాలు ఉండేది .ఆమె కూడా నిశ్శబ్దంగా ఉండే మనిషి. ఎంతో కాలం నిశ్శబ్దంగానే కలిసి గడిపారు. ఈమధ్య అతడి ప్రియురాలు చనిపోయింది. అతడు మళ్ళీ ఒంటరి వాడయ్యాడు...
🌻మన మనసులోకి ఎక్కించబడ్డ నెగిటివ్ సందేశాలు....
🌹ఇప్పుడు ఇక మనం ఏం చేయాలంటే ఒక పెద్ద పేపరు షీట్ తీసుకొని, మీ తల్లిదండ్రులు మీలో ఏ ఏ లోపాలు ఉన్నాయని చెప్పారో రాయండి.... మీరు విన్నటువంటి అన్ని నెగటివ్ నమ్మకాలను రాయండి.... గుర్తుకు తెచ్చుకొని మరీ వ్రాయండి... దీనికి కావాల్సినంత ఎక్కువ సమయాన్ని కేటాయించండి.... కనీసం అరగంటైనా.....
🌹వారు మీకు డబ్బు గురించి ఏమేమి చెప్పారు... మీ శరీరం గురించి ఏమేమి చెప్పారు... ప్రేమ గురించి ,మరి సంబంధం బాంధవ్యాల గురించి ,ఏమి చెప్పారు... మీలోని సృజనాత్మకత గురించి, ఏమి చెప్పారు ...వారు మీకు చెప్పిన పరిమితమైన నమ్మకాలు, లేక నెగటివ్ ఆలోచన విధానాలు ఏవి.?
🌹ఈ విధంగా పరిశీలిస్తూ పోతే, మీలోని నమ్మకాలు ఎక్కడినుండి వచ్చాయో అర్థం అవుతుంది.... ఆ!!! ఈ నమ్మకము ఇక్కడి నుండి వచ్చిందా ???అని మీతో మీరు చాలా ఆశ్చర్యంగా చెప్పుకుంటారు....
🌹ఇప్పుడు ఇంకొక పేపర్ తీసుకోండి.... ఈ విషయంలోనే ఇంకాస్త లోతుగా వెళదాము.... మీరు చిన్నతనంలో విన్న నెగటివ్ నమ్మకాలన్నింటినీ రాయండి...
🌹మీ బంధువుల నుండి విన్నవి ...
🌹టీచర్ల నుండి విన్నవి ...
🌹మీ స్నేహితుల నుండి విన్నవి....
🌹అధికారుల నుండి విన్నవి....
🌹 మీ మత పెద్దల నుండి విన్నవి....
🌹అన్నింటినీ వ్రాయండి ....కావలసినంత ఎక్కువ సమయాన్ని తీసుకోండి ....అలా వ్రాసేటప్పుడు మీలో మెదులుతున్న భావాలను గమనించండి.....
🌹మీరు ఇప్పుడు రాసిన రెండు పేపర్లలోని విషయాలను మీ చైతన్యంలోంచి తొలగించాలి.... ఈ నమ్మకాలే " నీవు పరిపూర్ణుడవు కావు" "నీలో ఏదో లోపం ఉంది" అనే భావాన్ని సృష్టించి," నేను బాగాలేను "అన్న కొరతను మీలో కలుగజేస్తున్నాయి......
🌹 ధన్యవాదములు 🌹🌹
