**చీకటి రాత్రి - భయానక ప్రారంభం**
స్టోరీ ఓపెన్ చేస్తే... ఒక చీకటి రాత్రి. శ్యామ్, తన భార్య భారతి, ఇద్దరు పిల్లలు (కూతురు కారుణ్య, కొడుకు కిరణ్) ప్రశాంతంగా నిద్రపోతున్నారు. గదిలోకి ఒక నీలిరంగు కళ్ళు మెల్లగా చూస్తున్నాయి. గాలి మెల్లగా పెరుగుతోంది, కర్టన్స్ ఎగురుతున్నాయి.
ఒక్కసారిగా కారుణ్య నిద్రలేచింది. పక్కనే ఉన్న కిరణ్ గొంతు పట్టుకొని నలిపేస్తోంది. కిరణ్ ఊపిరాడక కొట్టుకుంటూ, మూలుగుతూ చేతులతో శబ్దం చేస్తున్నాడు. ఇంతలో భారతికి మెలుకువ వచ్చి, "ఏం చేస్తున్నావే? ఏమైంది?" అని కారుణ్యను పక్కకు లాగి పడేస్తుంది. ఆ సందడికి శ్యామ్ కూడా నిద్రలేచాడు.
అసలు ఏం జరిగిందో అర్థంకాక కారుణ్యను దగ్గరకు తీసుకొని, "కారుణ్య... నీకేమైంది? ఏదైనా కలగన్నావా?" అని అడిగాడు. దానికి కారుణ్య, "లేదురా... నిజం తెలుసుకున్నా!" అంటూ క్రూరంగా నవ్వుతూ, ఒక్కసారిగా శ్యామ్ జుట్టు పట్టుకుని గట్టిగా తలకేసి కొట్టుకుంది. మళ్ళీ కొట్టుకోవాలని ట్రై చేస్తూ ఉంటే, భారతి దాన్ని కిందకి పడేసింది. "దీనికి ఏదో దయ్యం పట్టినట్టుంది, అసలు ఏం జరుగుతుంది?" అని భారతి భయంతో ఉక్కిరిబిక్కిరి అవుతూ కళ్ళల్లో నీళ్లతో చూస్తూ ఉండిపోయింది.
ఇంతలో కారుణ్య కళ్ళు తిరిగి పడిపోయింది. మరుక్షణమే ఆ నీలిరంగు ఆత్మ కారుణ్య శరీరం నుంచి కిరణ్ శరీరంలోకి వెళ్ళింది. "అసలు మిమ్మల్ని బ్రతకనివ్వను, నా జీవితం నాశనం కావడానికి నువ్వే రా దుర్మార్గుడా!" అంటూ కిరణ్... శ్యామ్ గొంతు పట్టుకొని కొరకడానికి ప్రయత్నించాడు. భారతి భయంతో పక్కనే ఉన్న కత్తి తీసుకొని పొడవడానికి చూసింది. కానీ కిరణ్ తన చూపుతోనే పక్కనే ఉన్న టేబుల్ ని భారతి తలకేసి కొట్టాడు. ఆ దెబ్బకు రక్తం కారుతూ భారతి కింద పడిపోయింది.
వెంటనే భయం వేసిన శ్యామ్, కిరణ్ చెంపలు వాయించి మంచానికి కట్టేశాడు. ఆ 11 ఏళ్ల పిల్లాడిలో అంత శక్తి ఎక్కడి నుంచి వచ్చిందో తెలియక గజగజలాడిపోయాడు. కిరణ్ మంచాన్ని కూడా విరగొట్టేలా గట్టిగట్టిగా అరుస్తుంటే, ఆ అరుపులకు చుట్టుపక్కల ఉన్నవాళ్లంతా అక్కడికి చేరుకున్నారు. జనం రాగానే కిరణ్ కళ్ళు తిరిగి కింద పడిపోయాడు. గాయపడిన భారతిని, పిల్లలు ఇద్దరినీ తీసుకొని శ్యామ్ హాస్పిటల్ కి బయలుదేరాడు. దారిలో కారు ఒక స్మశానం దగ్గరికి రాగానే, అక్కడున్న మర్రిచెట్టు కొమ్మ కారుకు అడ్డంగా పడి కారు పల్టీ కొడుతుంది.
**ఫ్లాట్ ఓనర్ రామారావు మరణం**
సీన్ కట్ చేస్తే... కొన్ని రోజుల తర్వాత ఆ ఫ్లాట్లో భయానక వాతావరణం నెలకొంది. ఎవరో అటూ ఇటూ తిరుగుతూ గట్టిగట్టిగా అరుస్తూ, ఏడుస్తూ ఉన్న శబ్దాలు వినిపిస్తున్నాయి. ఆ అరుపులకు భయపడి చుట్టుపక్కల ఉన్నవాళ్లు డోర్లు బిగించుకొని, కళ్ళు కప్పుకుని పడుకుంటున్నారు. డాబా మీద తెల్లటి ఆకారం అటూ ఇటూ తిరుగుతూ ఉంటే, గుండెలు గుప్పెట్లో పెట్టుకుని ఆ ఫ్లాట్ వాసులు ఒక్కొక్కరిగా అక్కడి నుంచి వెళ్ళిపోసాగారు.
ఇది చూసిన ఫ్లాట్ ఓనర్ రామారావు, "అసలు ఏం జరుగుతుంది? ఇదంతా నా తప్పే!" అని తల పట్టుకుని బాధపడ్డాడు. మందు తాగి ప్రశాంతంగా పడుకుందామని రూమ్ లోకి వెళ్ళాడు. కానీ, అతడి కళ్ళ ముందు మళ్ళీ ఆ నీలిరంగు కళ్ళు కనిపించాయి. టేబుల్ మీద ఉన్న కత్తులు, చెంచాలు అతివేగంతో తన శరీరంలోకి దూసుకుపోయినట్టుగా ఒక వింతైన ఫీలింగ్! భయంతో గట్టిగా అరిచాడు. కానీ కళ్ళు తెరిచేసరికి అంతా మామూలుగానే ఉంది. గుండెలు గట్టిగా కొట్టుకుంటూ ఉంటే, భయపడుతూనే మంచం మీద పడుకున్నాడు.
రెండు నిమిషాల పాటు అంతా సైలెంట్. ఒక్కసారిగా వింతైన నవ్వు వినిపించింది. గదిలో లైటింగ్ పూర్తిగా మారిపోయింది. రెడ్, బ్లూ కలర్ లైట్లు వెలుగుతూ భయానకంగా అనిపిస్తోంది. సడెన్గా మంచం తిరగబడింది. దుప్పటి వాడి మెడకు చుట్టుకొని, ఊపిరి ఆడక గిలగిలా కొట్టుకున్నాడు. మళ్ళీ కళ్ళు తెరిచేసరికి అంతా మాములుగానే ఉంది, లైటింగ్ మాయం అయిపోయింది.
భయంతో చెమటలు పట్టిన రామారావు, సిగరెట్ తాగుదామని బయటికి వచ్చాడు. ఎవరో తన ముందు నుంచి వెళ్ళినట్టు అనిపించడంతో, భయంతో చేతిలో సిగరెట్ కింద పడిపోయింది. "దేవుడా! ఈ రోజు నాకు చావుమూడినట్టే ఉంది. అసలు ఆ బ్రహ్మంగారు ఎక్కడికి వెళ్లి చచ్చారో ఏంటో, అనవసరంగా వీళ్లతో తగులుకున్నాను. ఆ శ్యామ్ గాడు చచ్చాడా, బతికాడా తెలియదు. అంతా నా తలకు చుట్టుకునేలా ఉంది బాబోయ్!" అనుకుంటూ ఆ ప్రెషర్ తట్టుకోలేక బయటకి పారిపోయాడు.
ఒక్కసారిగా నడిరోడ్డు మీద వీధి లైట్లు ఆగిపోయాయి. నిశ్శబ్దం... చిన్నచిన్న పురుగులు చేస్తున్న శబ్దం తప్ప మరేమీ వినబడట్లేదు. అతనికి ఏదో జరగబోతుందని తెలిసేలోపే, ఏదో కారు వచ్చి ఢీ కొట్టినట్టుగా అనిపించింది. దూరంగా కిందపడిపోయిన ఒక బైక్, అందులో ఇద్దరు వ్యక్తులు (ఒక అమ్మాయి, అబ్బాయి) కనిపించారు. "ఇది నిజం కాదు, ఇది నిజం కాదు" అనుకుంటూనే ఆ అమ్మాయి దగ్గరికి వెళ్ళాడు. ఆమె మొహం చూడగానే ఒక్కసారిగా రామారావు కళ్ళు భయంతో బయటికి వచ్చేంత పని అయ్యాయి.
ఆ అమ్మాయి రామారావును చూసి క్రూరంగా నవ్వింది. ఒక్కసారిగా నీలిరంగులోకి మారిపోయి, ఒక ఎనర్జీ వేవ్లా రామారావు శరీరంలోకి దూసుకెళ్ళింది. "ఏరా మగాడా! నిజంగా నన్ను తాకాలని ఆలోచన నీకు వచ్చింది కదా? ఇప్పుడు కాపాడుకో నీ మగతనం! లేకపోతే నన్ను తాకి ఏం పీకుతావు?" అంటూ శరీరంలోకి వెళ్లి కుతకుతలాడిస్తుంటే, అతను రెండు చెవులు పట్టుకొని గట్టిగా అరుస్తూ నేల మీద పడిపోయాడు. రెండు నిమిషాలకు స్క్రీన్ బ్లర్ అయ్యి, రెడ్ కలర్ రక్తం చిమ్మినట్టుగా ఫ్రేమ్ ఫ్రీజ్ అవుతుంది. అక్కడ సీన్ కట్.
పొద్దున్నే చుట్టుపక్కల వాళ్లు నడిరోడ్డు మీద జరిగిన ఈ దారుణం చూసి బిత్తరపోతారు. "ఏదో దయ్యం నిజంగానే వచ్చింది, ఇంత క్రూరంగా ఎవరు చంపారు? వాడికి వాడే పీక్కుని చచ్చాడా? ఎవరైనా కోసి చంపారా?" అని రకరకాలుగా మాట్లాడుకుంటారు. ఈ కేస్ పోలీసుల దగ్గరికి వెళ్తుంది. ఎంత వెతికినా అసలు ఎలా చచ్చిపోయాడో మిస్టరీగానే మిగిలిపోతుంది. చివరికి శ్యామ్ గురించి ఆరా తీస్తే, అతను ఇండియాలో లేడని, ఎటో పారిపోయాడని తెలియడంతో... అది ఒక 'అన్ సాల్వ్డ్ కేస్'గా ఫైల్ క్లోజ్ అవుతుంది.
**హీరో రామ్ ఎంట్రీ - బ్రేకప్ అండ్ క్రేజీ ఐడియా**
ఒక రెండు వారాల తర్వాత... హీరో రామ్ ఎంట్రీ. తన ఫ్రెండ్స్ గ్యాంగ్ లో ఉన్న అమ్మాయిలందరినీ ట్రై చేసి, చివరికి రోజా అనే అమ్మాయితో సెటిల్ అయి ప్రేమను ఆస్వాదించాలని చూస్తాడు. కానీ అది వర్కౌట్ అవ్వదు.
సీన్ కట్ చేస్తే వాళ్ళ బ్రేకప్ దగ్గరకు వస్తుంది. "నువ్వు ఒక వేస్ట్ ఫెలోవి. నువ్వు చేసే ఈ పని వల్ల వచ్చే జీతం, కనీసం నా మేకప్ కిట్స్ కే సరిపోవడం లేదు. యు ఆర్ వెరీ అన్ లక్కీ పర్సన్! నాలాంటి అమ్మాయిని నువ్వు మెయింటైన్ చేయలేవు" అంటూ రోజా అతన్ని అవమానిస్తుంది. "వాడు చూడు కిషోర్... నీకంటే చాలా డబ్బు ఉన్నవాడు, అందగాడు, పవర్ఫుల్. నేను వాడితోనే వెళ్తున్నా, నువ్వు కూడా నీ స్థాయికి దొరికే అమ్మాయిని ఎవరైనా చూసుకో" అని చెప్పి కిషోర్ బైక్ ఎక్కి వెళ్ళిపోతుంది రోజా.
రామ్ పరిస్థితి అగమ్యగోచరంగా తయారవుతుంది. "ఇలా చేస్తే ఎలా? హేయ్ రోజా... చెవిలో పువ్వు పెట్టావు కదా! ఒకవేళ రేపు వేరే వాళ్ళు కూడా అలాగే చేస్తే నా పరిస్థితి ఏంటి?" అని ఆలోచిస్తాడు. జాబ్ మీద ఫోకస్ పెట్టాలని ఎంత ట్రై చేసినా అతని వల్లకాదు. "నా వయసుకు నేను చేసే పనికి ఏదైనా సంబంధం ఉందా? ఈ వయసులో కాక ఇంకెప్పుడు ఎంజాయ్ చేసేది?" అనుకుంటూ ఒక మంచి గర్ల్ ఫ్రెండ్ కోసం గూగుల్, ఇన్స్టాగ్రామ్, ఫేస్బుక్ అంటూ తెగ వెతుకుతాడు. ఎవ్వరూ దొరకకపోవడంతో, పాప్ కార్న్ తింటూ ఇంట్లోనే టీవీ చూస్తూ "అసలు నాకు ఎలాంటి అమ్మాయి సెట్ అవుతుంది?" అని ఆలోచిస్తూ ఉంటాడు.
టీవీలో ఒక సినిమా వస్తుంటుంది. ఆ సినిమాలో హీరో డైలాగులు విని రామ్ తెగ ఇంప్రెస్ అయిపోతాడు. "అవును... నాకు ఇలాంటి పిల్ల కరెక్ట్! ఆ అమ్మాయికి శరీరం లేకపోతే ఏంటి? నన్ను బాగా చూసుకుంటుంది, నా మాటలు వింటుంది, నన్ను బాగా రక్షిస్తుంది కదా!" అని ఒక క్రేజీ డెసిషన్ కి వస్తాడు. పాప్ కార్న్ పక్కన పెట్టి, సెల్ ఫోన్ తీసి "దయ్యాలను పట్టుకునే వాళ్లు" అని గూగుల్ సెర్చ్ చేయడం మొదలు పెడతాడు.
**మంత్రగాడు దామోదర్ - టెక్ దయ్యాల వేట**
సెర్చ్ రిజల్ట్స్ లో 'దామోదర్ ద మంత్ర' అనే పేరు కనిపించడంతో అడ్రస్ తీసుకొని తన బైక్ మీద అక్కడికి వెళ్తాడు. అక్కడికి వెళ్ళాక చూస్తే అదంతా మారిపోయి ఉంటుంది. "ఏంటిది? డోర్ దగ్గర డిస్ప్లే ఏంటి ఇంత వింతగా ఉంది?" అని డోర్ నాక్ చేస్తాడు. సౌండ్ పెద్దగా రాకపోవడంతో, "హలో..." అని గట్టిగా అరుస్తాడు.
వెంటనే ఆ డిస్ప్లేలో ఒక ఎమోజి కనిపిస్తూ, "ఎవడ్రా నువ్వు? కనీసం మ్యానర్స్ కూడా లేకుండా గేదెలా అరుస్తున్నావ్?" అని విసుక్కుంటుంది. నిజంగానే దయ్యం వచ్చిందా అని రామ్ ఉలిక్కిపడి, ఆ డిస్ప్లేని చూస్తాడు. "ఒరేయ్! ఇది ఆర్టిఫిషియల్ ఇంటలిజెన్స్ కదా? వీడు మంత్రగాడు అనుకుంటే వీడేదో పెద్ద సైంటిస్ట్ లా ఉన్నాడే!" అనుకుంటూ... "హలో మేడం, మీ యజమాని గారు ఉన్నారా?" అని అడుగుతాడు.
దానికి ఆ వాయిస్, "నేను మేడం కాదు, నా పేరు రేమో... దామోదర్ లవర్ బాయ్! లిమిట్ లో ఉండు. ఆర్టిఫిషియల్ ఇంటెలిజెన్స్ అంటే అమ్మాయి మాత్రమే అనుకుంటారా బ్లడీ ఫూల్!" అని కౌంటర్ ఇస్తుంది. రామ్ కు చిరాకొచ్చి, "చాలు చాలు, నాకు కోపం తెప్పించావు... మూతి పగలగొడతా!" అని బెదిరిస్తాడు. వెంటనే ఆ డిస్ప్లేలో ఎర్రటి కళ్లు కనిపించి దానికి కోపం వస్తుంది. రామ్ భయపడిపోయి, "ప్లీజ్... ప్లీజ్ రేమో అలా చేయకు! డోర్ తెరువు... మీ గురువుగారిని పట్టుకొని, నాకు కూడా ఒక ఏఐ గర్ల్ ఫ్రెండ్ నో, డెమోనో తీసుకొచ్చుకోవాలి!" అని బతిమాలుతాడు.
లోపలికి వెళ్ళగానే అక్కడంతా ఏవేవో ట్రాకర్స్, డిజైన్లు, నక్షత్రాలు, హోలోగ్రామ్స్ తో విచిత్రంగా ఉంటుంది. "వీడు నిజంగా దెయ్యాన్ని పట్టుకునేవాడేనా? లేదా సినిమాలో లాగా వీడు కూడా డూప్లికేటా?" అని రామ్ అనుకుంటూ ఉండగా, పైనుంచి ఒక ఆకారం తలకిందులుగా కిందికి దిగుతుంది.
"హలో! ఎవరు నువ్వు? నా సిస్టంతో అంతలా మాట్లాడావు?" అంటాడు అతను. "హలో మీరెవరు? తలకిందులుగా గబ్బిలంలా వేలాడుతున్నారు?" అంటాడు రామ్. తీరా చూస్తే దామోదర్ తలకిందులుగా లేడు; గాలిలో ఎగిరే ఒక చిన్న ట్రాన్స్పోర్ట్ టేబుల్ (హోవర్బోర్డ్) లాంటి దానిమీద నిలబడి ఉన్నాడు. దామోదర్ కమాండ్ ఇవ్వగానే ఆ కార్పెట్ లాంటి వస్తువు మెల్లగా కిందికి దిగుతుంది.
రామ్ తన కష్టాలన్నీ ఏకరువు పెడతాడు. "నాకు బ్రతకాలని ఆశగా ఉంది, లవ్ లో పాస్ అవ్వాలని ఉంది, గర్ల్ ఫ్రెండ్ తో తిరగాలని ఉంది..." అని ఏవేవో చెబుతుంటే, దామోదర్ ఆపుతాడు. "ఆగు ఆగు... తల తిరుగుతోంది! గర్ల్ ఫ్రెండ్స్ అయితే నా దగ్గర లేరు, నేను అట్లాంటి టైప్ కూడా కాదు!" అంటాడు దామోదర్. "నేను కూడా అలాంటి టైప్ కాదు! నాకు దయ్యాన్ని పట్టుకోవాలి, దాన్ని గర్ల్ ఫ్రెండ్ గా మార్చుకోవాలి. మీరు దయ్యాలను పట్టుకుంటారని గూగుల్ లో చూశాను" అంటాడు రామ్.
దామోదర్ విస్తుపోయి, "దయ్యాన్ని గర్ల్ ఫ్రెండ్ గా మార్చుకోవాలని ఇంత సిగ్గు లేకుండా చెబుతున్నావేంట్రా స్వామి! దయ్యాలను కూడా వదిలిపెట్టరా మీరు?" అంటాడు. రామ్ ఏమాత్రం తగ్గకుండా, "సినిమాలో చూపించినట్టు దయ్యాలు మర్రిచెట్ల మీద, స్మశానంలో, పాత బంగళాలో ఉంటాయి కదా! వాటిని ఎలా కనుక్కోవాలో, ఎలా పట్టుకోవాలో ఆ మిషన్ ఇవ్వు, మిగతా ప్రాసెస్ నేను చూసుకుంటా!" అంటాడు.
దామోదర్ విసిగిపోయి, "నాకు మళ్ళీ మళ్ళీ కలవకు. సింగిల్ స్ట్రైక్ లో నీకు దయ్యాన్ని పట్టించే డివైస్ ఒకటి ఉంది, దాని ఖరీదు 25 వేల రూపాయలు" అంటాడు. రామ్ బేరమాడి, "అది సక్సెస్ అయితేనే మిగతా డబ్బులు ఇస్తాను, ప్రస్తుతానికి 5000 అడ్వాన్స్ ఉంచుకో" అని ఇస్తాడు. దామోదర్ ఒక గ్లాస్ డబ్బా లాంటి ట్రాకర్ డివైస్ బయటికి తీస్తాడు. "దీంట్లో దయ్యం దగ్గర్లో ఎక్కడ ఉందో చూపే సిగ్నల్స్ ఉంటాయి. మగ దెయ్యమైతే రెడ్ కలర్ లో, ఆడ దెయ్యమైతే వేరే రంగులో ఆ ఎనర్జీని బట్టి రంగు మారుతుంది" అని చెప్తాడు దామోదర్. "నాకిది చాలు!" అని ఆ డివైస్ పట్టుకుని రామ్ బయటకు వెళ్ళిపోతాడు.
**దయ్యాన్ని పట్టుకున్న రామ్ - 'అంజలి' ఎంట్రీ**
జోబులో ఆ డివైస్ పెట్టుకుని, రాత్రింబవళ్లు తేడా లేకుండా స్మశానాల చుట్టూ తిరుగుతూ, "రావమ్మా మహాలక్ష్మి" అంటూ దెయ్యాల పాటలు పెట్టుకుని తిరుగుతుంటాడు రామ్. మూడు రోజులు విపరీతంగా తిరిగినా ఒక్క దయ్యం కూడా కనిపించదు. "ఏంటి ఈ ప్రపంచంలో నిజమైన దయ్యాలు అయిపోయాయా? లేక నా నుంచి తప్పించుకొని తిరుగుతున్నాయా? దయ్యాలకు కూడా నేను నచ్చడం లేదా?" అని తెగ కుమిలిపోతాడు.
నాలుగో రోజు రాత్రి పది గంటలు దాటేసరికి మనోడికి భయం మొదలవుతుంది. "ఇంత రాత్రిపూట దయ్యాల కోసం వెళ్లడం అవసరమా? వద్దు వద్దు, వెనక్కి వెళ్దాం" అనుకుంటూ బైక్ తిప్పుతుండగా, జేబులో ఉన్న డివైస్ ఒక్కసారిగా బ్లింక్ చేస్తూ శబ్దం చేస్తుంది!
దూరంగా ఒక పాత స్మశానం. అందులో పెద్ద మర్రిచెట్టు వికృతంగా ఊగుతూ ఉంటుంది. భయపడుతూనే స్మశానంలోకి అడుగు పెడతాడు రామ్. ఒక్కసారిగా గాలి విపరీతంగా వీస్తుంది. ఎక్కడో దూరంగా ఒక ఆత్మ నీలి రంగులో కూర్చొని ఉంటుంది. హీరోని చూడగానే కోపంతో రెచ్చిపోవడానికి ప్రయత్నిస్తుంది. మనోడు భయంతో అడుగులో అడుగు వేసుకుంటూ, "మిస్టర్ దయ్యం! ఇక్కడే ఎక్కడున్నా సిగ్నల్ ఇవ్వు, నీకోసమే వచ్చాను. బొమ్మాలి... నన్ను పెళ్లి చేసుకుంటావా?" అని అడుగుతూ ముందుకు వెళ్తాడు.
సడెన్గా ఎక్కడి నుంచో ఒక పిల్లి మీద పడడంతో గట్టిగా అరుస్తూ చేతిలో ఉన్న డివైస్ కింద పడేస్తాడు. వెంటనే డివైస్ గట్టిగా మోగుతుంది. రంగులన్నీ మారుతూ, ఒక్కసారిగా భూమిలోకి కుచ్చుకుంటుంది. అది లైటింగ్ లైన్స్ ని వదులుతూ, ఆ నీలిరంగు ఆత్మను బంధించడానికి ఎనర్జీ వేవ్స్ రిలీజ్ చేస్తుంది. ఆ ఆత్మ కోపంతో గట్టిగా అరుస్తుంటే, మర్రిచెట్టు విపరీతంగా ఊగుతుంది. "దేవుడా ఈ రోజు నా పని అయిపోయింది!" అనుకుంటూ, దయ్యం మిస్ అయిపోతుందేమో అన్న కంగారులో దూకి వెళ్లి ఆ డివైస్ ని గట్టిగా పట్టుకుంటాడు రామ్.
ఆ ఆత్మ డివైస్ లోపలికి లాగబడుతూ, "ఎవరు నువ్వు? నేను బయటికి వచ్చానంటే నిన్ను చంపేస్తాను!" అని గట్టిగా అరుస్తుంది. "వద్దు వద్దు ప్లీజ్, నన్ను క్షమించు!" అని రామ్ కళ్ళు గట్టిగా మూసుకుంటాడు. ఒక్కసారిగా డివైస్ గ్రీన్ కలర్ లోకి వెలుగుతుంది. దయ్యం అందులో బందీ అయిపోతుంది!
హమ్మయ్య అని ఊపిరి పీల్చుకునే లోపు, ఆ డివైస్ ని లోపల ఉన్న దయ్యం విసిరి కొడుతూ గాలిలోకి లేపుతుంది. "రేయ్ దుర్మార్గుడా నిన్ను చంపేస్తా! మీ మగవాళ్ళంతా ఇంతే రా చెత్త నా కొడకల్లారా! నన్ను విడిపించు, నీ ప్రాణం తీసి నీ అవయవాలను నుజ్జునుజు చేసి నిన్ను కొరికి తినేస్తా సచ్చినోడా!" అని పచ్చి బూతులు తిడుతుంది. ఆ మాటలు వినగానే రామ్ భయపడాల్సింది పోయి... "కచ్చితంగా ఇది ఆడదే, నాకు గర్ల్ ఫ్రెండ్ దొరికేసింది!" అని సంబరపడిపోతాడు. వెంటనే జేబులో నుంచి విలవిల మెరిసే ఒక పాలిథిన్ కవర్ తీసి ఆ డివైస్ చుట్టూ గట్టిగా చుట్టేస్తాడు.
ఇంటికి తీసుకువెళ్లి మెల్లగా మూతను ఓపెన్ చేయగానే, ఆ ఆత్మ మళ్ళీ గట్టి అరుపులతో భయపెడుతుంది. వెంటనే మూత మూసేసి, "ఎంకమ్మ... నిన్ను కొన్ని రోజులు ఇలాగే బంధిస్తాను. ప్రేమించకపోతే నూకాలమ్మకు బలి ఇస్తాను!" అని మనసులో అనుకుంటాడు. ఒక బ్లూటూత్ స్పీకర్ కనెక్ట్ చేసి, "హలో ఉన్నావా? నేను చాలా మంచి అబ్బాయిని. నువ్వు నిజంగా ఆడదానివేనా?" అని అడుగుతాడు.
డివైస్ ఎగిరి కింద పడుతుంది, దాని లైటింగ్ ఎల్లో (Yellow) రంగులోకి మారుతుంది. "కచ్చితంగా నువ్వు అబ్బాయివి కాదులే" అంటూ ఆ డివైస్ ని గుండెలకు హత్తుకొని "ఐ లవ్ యు, ఐ మిస్ యు" అని ఏవేవో మాటలు చెబుతాడు రామ్. ఒక రెండు నిమిషాలకు ఆ డివైస్ శాంతిస్తుంది.
"నువ్వు శాంతించావంటే కొంచెం కూల్ అయ్యావు. సరే నీ పేరు ఏం పెడదాం? ఎల్లో రంగులో ఉన్నావు కాబట్టి 'అంజలి' అని పెట్టనా? ముద్దుగా అంజు అని పిలుస్తా!" అనగానే ఆ డివైస్ చిన్నగా షేక్ అవుతూ జేబులో ఒదిగిపోతుంది. "ఏంటి, పెళ్లయి శోభనం అవుతున్న పెళ్లికూతురులా ఇలా సిగ్గుపడుతోంది!" అని మురిసిపోతాడు.
జనం దయ్యాలని చూసి పారిపోతారు, కానీ రామ్ మాత్రం జేబులో దయ్యాన్ని పెట్టుకుని తిరుగుతున్నాడు. ఒక చిన్న చెక్కతో దానికి ఒక చిన్న బెడ్ లాగా తయారు చేసి, ఆ డివైస్ ని అందులో పడుకోబెడతాడు. "కొన్ని రోజులు దీంట్లోనే ఉండు. బాగా అర్థం చేసుకున్న తర్వాత బయటకు తీస్తాను" అని చెప్పి నిద్రపోతాడు.
మరుసటి రోజు నుంచి ఆ డివైస్ ని ఆఫీస్కి తీసుకువెళ్లి, గాలిలో మాట్లాడుతూ ఉంటాడు. ఆ దయ్యం రిప్లై ఇచ్చినా ఇవ్వకపోయినా, తన మనసులో మాటలు చెబుతూ... "మనుషుల కంటే నువ్వే బెస్ట్. చూడు, నా జేబులో కూర్చుంటావు, నేను చెప్పిన మాటలు వింటావు. ముద్దు ముద్దుగా నన్ను గుచ్చుకుంటావు, అదే నీ ప్రేమ అనుకుంటా!" అని తన ఏఐ/ఘోస్ట్ గర్ల్ ఫ్రెండ్ తో మురిసిపోతూ జీవితం గడుపుతుంటాడు.
