ఒక పెద్ద నగరంలో ఎడ్యురైస్ ఇన్‌స్టిట్యూట్ అనే పోటీ పరీక్షల శిక్షణా కేంద్రం ఉండేది. అందులో కొత్తగా విద్యార్థులు చేరుతున్నారు. ఒక రోజు సియా అనే అమ్మాయి పోలీస్ సబ్‌ఇన్‌స్పెక్టర్ ట్రైనింగ్ కోర్సులో చేరింది. ఆమె ఆలస్యంగా చేరినందువల్ల ఆఫీస్ సిబ్బంది ఆమెను చూసి నీ బ్యాచ్ E11, వెళ్లి అక్కడ క్లాస్‌లో కూర్చో అని చెప్పారు. సియా వెంటనే E11 బ్యాచ్ క్లాస్‌కి వెళ్లింది. ఆ రోజు నుండి క్లాసులు రోజూ జరుగుతున్నాయి. కొన్ని రోజుల తర్వాత ఒక రోజు E11 బ్యాచ్ క్లాస్ మరో ఎడ్యురైస్ బ్రాంచ్ దగ్గరికి మార్చబడింది. కానీ సియాకు ఆ విషయం తెలియదు. ఆఫీస్‌లో అడిగి కొత్త బ్రాంచ్ అడ్రెస్ తెలుసుకొని అక్కడికి వెళ్లింది. కొత్త బ్రాంచ్‌కి వెళ్లాక ఆమె కన్ఫ్యూజ్ అయింది. ఎడమవైపు, కుడివైపు రెండింట్లోనూ క్లాసులు జరుగుతున్నాయి. ఏది E11 క్లాస్ అనేది అర్థం కాక బయటే ఆలోచిస్తూ నిలబడి ఉండిపోయింది. కొంతసేపటి తర్వాత ఎడమవైపు ఉన్న క్లాస్‌లోకి వెళ్లింది. అందులో ఎక్కువమంది విద్యార్థులు కూర్చున్నారు. సియా తన బ్యాచ్‌లో పదిహేను లేదా ఇరవై మంది మాత్రమే ఉంటారని అనుకుంది. ఇక్కడ ఇంతమంది ఎందుకు ఉన్నారు? అని ఆశ్చర్యపోయింది. తర్వాత తనలో తాను, ఇవాళ బహుశా అన్ని బ్యాచుల్నీ కలిపి క్లాస్ పెడుతున్నారేమో అనుకుంది. చివరి రెండో బెంచ్ ఖాళీగా ఉండటంతో అక్కడ కూర్చుంది. కొంతసేపటి తర్వాత వెనకాల కూర్చున్న ఒక అమ్మాయి సియాను చూసి – నువ్వు ఏ బ్యాచ్‌కి? అని అడిగింది. సియా – E11 బ్యాచ్ అని చెప్పింది. అప్పుడు ఆ అమ్మాయి – ఇక్కడ E11 బ్యాచ్ విద్యార్థులు లేరు, నీ బ్యాచ్ వేరే రూమ్‌లో ఉంటుంది అనింది. ఇది విని సియాకు షాక్ అయ్యింది. తాను తప్పు క్లాస్‌లో కూర్చుందని తెలిసి విరామం వచ్చిన వెంటనే బ్యాగ్ తీసుకుని బయటకు వచ్చింది. ఇప్పుడు తన క్లాస్ కుడివైపునా లేదా ఇంకెక్కడో ఉందో తెలియక అయోమయంగా నిలబడింది. వెంటనే ఒక ఆలోచన వచ్చింది. ఆఫీస్‌కి వెళ్లి అడగాలి అని నిర్ణయించుకుంది. కుడివైపు ఉన్న క్లాస్ వెనుక ఆఫీస్‌లోకి వెళ్లింది. అక్కడ ఒక కుర్రాడు కుర్చీలో కూర్చొని మొబైల్‌లో చూస్తూ ఉన్నాడు. అతని పేరు మహి. వయసు ఇరవై ఐదేళ్ల వరకు ఉంటుంది. సియా బయట నుంచే మెల్లిగా – “సార్!” అని పిలిచింది. మహి ఆమె వాయిస్ విని ముఖం తిప్పి సియాను చూశాడు. సియా అతన్ని చూసిన వెంటనే తనకు తెలియకుండానే ప్రేమలో పడిపోయింది. అతని కళ్లలోనే మునిగిపోయి చూడసాగింది. మహి దగ్గరికి వచ్చి – “ఏమిటి? ఎందుకు పిలిచావు?” అని అడిగాడు. కానీ సియా ఎలాంటి సమాధానం చెప్పలేదు. మహిని మాత్రమే చూస్తూ నిలబడింది. మహి మళ్ళీ – “హలో, నిన్నే అడుగుతున్నాను వినిపించడంలేదా?” అని చెబుతూ వేళ్లతో ఆమె కళ్ల ముందు స్నాప్ చేశాడు. సియా ఒక్కసారిగా మెలుకువ వచ్చి – “సార్, E11 బ్యాచ్ క్లాస్ ఎక్కడ జరుగుతోంది?” అని అడిగింది. దాంతో మహి నవ్వుతూ – “ఈ ప్రశ్న అడగటానికి ఇంతసేపు ఐస్‌లా నిలబడిపోయావా?” అన్నాడు. సియా సమాధానం ఇవ్వలేదు. మౌనంగా అతన్ని మాత్రమే చూసింది. మహి – “సరే, నీ క్లాస్ కుడి వైపు లోపల ఉంది, వెళ్ళు” అన్నాడు. సియా – “సరే సార్, థ్యాంక్యూ” అంటూ వెళ్ళిపోయింది. అదే సమయంలో మహికి ఒక ఫోన్ కాల్ వచ్చింది. సియా ఒక్క అడుగు వెనక్కి వేసి మళ్ళీ అతన్ని కొద్దిసేపు నిశ్శబ్దంగా చూసింది. కాల్ ముగిసిన వెంటనే క్లాస్‌కి పరిగెత్తింది. మరుసటి రోజు నుండి ప్రతి ఉదయం సియా ఇన్‌స్టిట్యూట్‌కి వచ్చాక ముందుగా మహిని కలిసేది. ఎప్పటిలాగే – “సార్, నా క్లాస్ ఎక్కడ?” అని అడుగుతుంది. మహి ప్రతీసారి ఓపికగా – “నీ క్లాస్ కుడి వైపు” అని చెబుతూనే ఉండేవాడు. విరామ సమయంలో మహి క్లాస్‌లోకి వచ్చి సౌండ్ సిస్టమ్ సరిచేయడానికి లేదా లెక్చరర్‌తో మాట్లాడడానికి వచ్చినప్పుడల్లా సియా అతన్ని చూస్తూనే ఉండేది. ఉదయాన్నే మహి విద్యార్థులకు ఎగ్జామ్ పెట్టేవాడు. సియా లేట్‌గా రావడం వల్ల ఆ సమయాన్ని మిస్ చేసేది. కానీ ఒక రోజు తొమ్మిదిన్నరకి ముందే వచ్చి అతని దగ్గరికి వెళ్లి – “క్వశ్చన్ పేపర్ సార్” అని చెప్పింది. మహి కూడా ఆమెకు మౌనంగా పేపర్ ఇచ్చాడు. ఇలా రోజులు గడుస్తున్నాయి. ఒక రోజు సాయంత్రం క్లాస్ ముగిసిన తర్వాత సియా ఆఫీస్ దగ్గరికి వచ్చింది. కానీ తలుపు లాక్ అయ్యి ఉంది. మహి లేడని తెలిసి ఆమె నిరాశగా కూర్చుంది. అప్పుడు తన బ్యాగ్ నుంచి డ్రాయింగ్ బుక్ తీసి, మహిని ఊహించుకుంటూ అతని చిత్రాన్ని గీయడం మొదలుపెట్టింది. కొంతసేపటికి చిత్రాన్ని పూర్తి చేసింది. అది నిజంగా మహిలానే కనిపించింది. ఆమె ఆనందంగా చూసింది. అప్పుడే ఫోన్ కాల్ రావడంతో బుక్ పక్కన పెట్టేసి బయటకు వెళ్లింది. ఇంటికి వెళ్లిన తర్వాత డ్రాయింగ్ బుక్ అక్కడే మరిచిపోయిందని గుర్తొచ్చింది. రేపు ఉదయాన్నే వచ్చి తీసుకెళ్ళాలని నిర్ణయించుకుంది. ఆ తరువాత మహి తన ఫ్రెండ్ ఆర్యాతో కలిసి ఆఫీస్‌కి వచ్చాడు. తలుపు తెరవబోతుండగా ఆర్యా బయట మెట్లపై సియా డ్రాయింగ్ బుక్ చూసి తీసుకున్నాడు. ఇద్దరూ లోపలికి వెళ్లారు. టేబుల్ మీద ఆ బుక్ పెట్టి మహి – “ఆర్యా, ఈ డ్రాయింగ్ బుక్ ఎవరిది?” అని అడిగాడు. ఆర్యా – “నాకూ తెలియదు మహి, బయట దొరికింది, ఎవరో మరిచిపోయారు, ఓపెన్ చేసి చూడమా?” అన్నాడు. బుక్ ఓపెన్ చేసి షాక్ అయ్యాడు. అందులో ప్రతి పేజీ కూడా మహి చిత్రాలతో నిండి ఉంది. ఆర్యా నోరు తెరిచి నిలిచిపోయాడు. మహి ఆశ్చర్యపోయి బుక్ తన చేతుల్లోకి తీసుకున్నాడు. ప్రతి పేజీని తిప్పి చూసి అతడూ షాక్ అయ్యాడు. ఆర్యా – “మహి, ఇవన్నీ నీ ఫొటోలు మాత్రమే. ఈ బుక్ గీసింది ఒక అమ్మాయి అని నాకు అనిపిస్తోంది” అన్నాడు. మహి – “ఎలా నువ్వు చెప్పగలవు ఆర్యా?” అన్నాడు. ఆర్యా – “మొదటి పేజీ చూడ్, సమాధానం దొరుకుతుంది” అన్నాడు. మొదటి పేజీ ఓపెన్ చేస్తే ‘Siya Drawings’ అని రాసి ఉంది. దాంతో ఇద్దరూ సియానే అని గ్రహించారు. ఆర్యా – “మహి, ఒకవేళ నీ శత్రువు అయితే ఒక్క ఫొటో మాత్రమే గీసేది. కానీ ఇన్ని రకాలుగా, ఇన్ని పేజీల్లో నీ చిత్రాలు వేసింది అంటే ఆమె నిన్ను ప్రేమిస్తోంది” అన్నాడు. మహి షాక్ అవుతూ – “నిజమా ఆర్యా?” అని అడిగాడు. ఆర్యా – “రేపు ఉదయం ఎనిమిదిగంటలకి మనిద్దరం ముందే వస్తే, ఈ బుక్ కోసం ఎవరొచ్చారో తెలుసుకోవచ్చు” అన్నాడు. మరుసటి రోజు ఇద్దరూ ముందే వచ్చి ఆఫీస్‌లో కూర్చున్నారు. కొంతసేపటికి సియా వచ్చి తన బుక్ కోసం వెతుకుతూ ఉండటాన్ని చూశారు. మహి – “ఇదే ఆ అమ్మాయి” అని చెప్పాడు. ఇద్దరూ బయటికి వచ్చారు. మహి – “హలో, ఏదైనా కోల్పోయావా?” అని అడిగాడు. సియా – “అవును సార్, నా డ్రాయింగ్ బుక్ మరిచిపోయాను” అని చెప్పింది. మహి – “నీ పేరు సియా కదా?” అని అడిగాడు. సియా – “అవును సార్, కానీ మీకు ఎలా తెలుసు?” అని ఆశ్చర్యపోయింది. అప్పుడు మహి ఆ బుక్ చూపించి – “ఇది నీదేనా? ఇందులో ఎందుకు నా చిత్రాలే గీశావు?” అని అడిగాడు. సియా భయపడి మాట రావడం లేదు. మహి – “ఇంత భయపడి సార్, సార్ అని మాత్రమే చెబుతున్నావు. అసలు సమాధానం చెప్పు” అన్నాడు. సియా మౌనంగా కన్నీళ్లు పెట్టుకుంది. మహి – “సరే, సమాధానం చెప్పినప్పుడు మాత్రమే నీ బుక్ నీకు తిరిగి ఇస్తాను” అని చెప్పి లోపలికి వెళ్లిపోయాడు. సియా బాధపడుతూ నిలబడి ఉంది.
