వివరణ

నిశ్శబ్దపు నిష్క్రమణఆమె జీవితం ఒక శూన్యం. కంటికి నలిమి పెట్టేంత ప్రేమను పంచిన తండ్రి హఠాత్తుగా చనిపోవడంతో, ఆ అమ్మాయి ప్రపంచం ఒక్కసారిగా చీకటైపోయింది. ఒంటరితనం ఆమెను నిలువెల్లా దహించివేస్తోంది. మరోవైపు అతని జీవితం ఒక పోరాటం. చదువు పూర్తయినా సరైన ఉద్యోగం దొరకక, భవిష్యత్తు భయంతో, ఇంట్లో వాళ్ళ మాటలు పడలేక అతను కూడా ఒక మానసిక వేదనను అనుభవిస్తున్నాడు. ఆ రాత్రి తీవ్రమైన ఒంటరితనంలో ఉన్న అతను, మనసులో ఏదో ఒక నంబర్ అనుకుని ఒక రాంగ్ నంబర్‌కు టెక్స్ట్ మెసేజ్ చేశాడు. కేవలం కాలక్షేపం కోసం మొదలైన ఆ చాటింగ్, ఇద్దరిలోని ఒంటరితనాన్ని పంచుకునే వేదికగా మారిందిరోజులు గడిచేకొద్దీ వాళ్ళ పరిచయం బలపడింది. ఉదయం లేచిన దగ్గరి నుండి రాత్రి పడుకునే వరకు ఒకరి గురించి ఒకరు తెలుసుకోవడం అలవాటైంది. మెసేజ్‌లు కాస్తా వాయిస్ కాల్స్ అయ్యాయి, ఆపై వీడియో కాల్స్ లో గంటల కొద్దీ మాట్లాడుకునేలా