వివరణ

ముంబై నగరం ఎప్పుడూ నిద్రపోదు. కానీ ఈ రాత్రి, ఆ నగరం ఒక అద్భుతాన్ని చూస్తోంది. 'రామ్ గ్లోబల్ హోల్డింగ్స్' పదో వార్షికోత్సవం. సముద్రపు అంచున 108 అంతస్తులతో ఆకాశాన్ని ముద్దాడుతున్న ఆ గాజు గోపురం, ఈరోజు లక్షల దీపాల కాంతిలో ఒక నవ వధువులా మెరిసిపోతోంది. ఆ బిల్డింగ్ మీద ఉన్న 'R' అనే అక్షరం, భారతదేశపు ఆర్థిక శక్తికి నిదర్శనం.​ఆ గోపురం పైన, ప్రైవేట్ హెలిప్యాడ్ పక్కన ఉన్న బాల్కనీలో నిలబడి ఉన్నాడు రాయ్ రామ్. గాలి వేగంగా వీస్తోంది. అతని తెల్లటి షర్ట్ రెపరెపలాడుతోంది. కింద ముంబై నగరం చిన్న చిన్న వెలుగు చుక్కల్లా కనిపిస్తోంది. కానీ రాయ్ దృష్టి ఆ నగరం మీద లేదు, అనంతమైన సముద్రం మీద ఉంది.​రాయ్ రామ్.. ఈ పేరు వింటే షేర్ మార్కెట్ వణికిపోతుంది. అతను ఒక కంపెనీ మీద కన్నేశాడంటే, అది అతని సొంతం అవ్వాల్సిందే. ఆయిల్ రిఫైనరీల